Mizoram Rural Bank thar, Mission Vengthlang Kawn a hawn thar tur chu vawiin khan Finance Minister Pu Lalsawta’n YMA Hall-a hawnna programme a hmanpui.

Mission Vengthlang ah a duh leh mamawh apiangte hman tur Bank thar Mizoram Rural Bank in an rawn hawng chu lawmawm a tih thu Pu Lalsawta chuan sawiin, rawngbawl turin MRB in Mission Vengthlangah branch an rawn hawng a. Hloh lo turin leh tluang taka an kalpui theih nan mipuite pawhin tanlak pui a ngaih thu a sawi a. Hmuingil takin kal se, vengchhung bakah a bulhnai vengte pawhin chhawr tangkai se a duh ber a nih thu a sawi.

Pu C. Lalrinliana, Senior Manager, Mizoram Rural Bank kaihhruai Bank hawn thar ah hian Pu Gautam Sen Gupta, Chairman, MRB in inlawmna thu leh bank kalphung a sawi a. Pu Lalhmingmawia, Councillor, Ward No XIV; Pu C Lalmuanthanga, Senior Manager, MRB leh President, Mission Vengthlang Branch YMA Pu Chawngthankima te pawhin thu an sawi a ni.

Vawiina MRB Branch hawn thar hi Branch 80 na tur a niin Mission Vengthlang kawna YMA Building ah Rural Bank hian office an nei dawn a ni.