Vawiin August 11, 2009 hian ni hnih awh tur Satellite Interactive Terminal (SIT) Operators Training SCERT Auditorium, Chaltlang-a tan chu Pu Lalsawta, Minister of Education,etc-in a hmanpui. He huna thusawiin Pu C.Lalsawta chuan, “Tunlai khawvel thiamna sang zelah Satellite hmanga inbiak pawhna satliah ni lo, zirtirtuten an naupangte an zirtir tura harsatna neite khawpui atanga kaihhruaina pek theih hi kan puitlin chuan Mizoram zirnain rahbi thar a rap a ni dawn a, tuna zirtirtu lo kalkhawmte hian tangkai taka hmang thei tur leh thiamna tak paw chhuak thei turin zir turin ka duh che u a ni. Aizawl atangin Bangalore, New Delhi, etc atanga zirtirna tha dawngin chu chu District tina DIET leh Centre thlan bikah te pekchhuah zung zung tur a ni dawn a, High School tinin hlawkna an hmuh ngei ka beisei a ni,” a ti.
He SIT Operators training hawnna inkhawm hi Pi Malsawmthangi, Director, SCERT-in kaihruaiin, he zirtirna petu zinga hotu ber, Shri A.K.Tyagi, Scientist & Engineer-in training an pek chhan leh thingtlang lam mite hnena tunlai inbiak pawhna kaltlanga zirtirna tha an dawn theihna tura tan lak a nih dan a sawi bawk. Zawhna thenkhat awmte chu Pi Sangthanmawii, Joint Director, SCERT-in a chhang nghal bawk a ni. He Satellite hmanga inzirtirna tur hi a tam thei ang berin an chhawr tangkai theih nan tuna zirtirtu lo kal, rawn training te hi an pawimawh em em dawn a; khaw lian deuhva High School-a zirtirna pawh school dang te pawhin an chhawr tangkai theih ngei tura beisei a ni bawk.
Mizoramah hian EDUSAT (Educational Satellite) hi satellite hmanga zirtirna tihna a ni a, zirlai thenkhatten harsatna an neih topic thenkhat, zirtirtuten an sawifiah thiam chiah loh deuhte tanpuina tura buatsaih a ni a; Mizorama kan zirtirtuten tihtakzeta an hna an thawhna kawnga puitu tha tak tur, khawvel ram changkangte tihdan pawh hriat zel theihna tur, thil tangkai tak a ni dawn a ni. Tunah hian Mizoram pumah DIET 2, District Resource Center (DRC) 6, Block Resource Centres 22 leh High/ Higher S. School 19-ah hetiang thawn chhuah theihna SIT hi bun fel tawh a ni.
Mizoramah hian EDUSAT (Educational Satellite) hi satellite hmanga zirtirna tihna a ni a, zirlai thenkhatten harsatna an neih topic thenkhat, zirtirtuten an sawifiah thiam chiah loh deuhte tanpuina tura buatsaih a ni a; Mizorama kan zirtirtuten tihtakzeta an hna an thawhna kawnga puitu tha tak tur, khawvel ram changkangte tihdan pawh hriat zel theihna tur, thil tangkai tak a ni dawn a ni. Tunah hian Mizoram pumah DIET 2, District Resource Center (DRC) 6, Block Resource Centres 22 leh High/ Higher S. School 19-ah hetiang thawn chhuah theihna SIT hi bun fel tawh a ni.
