Vanlalruati Gospel Album "Lalpa chaklo mah i la", hla 13 awmna vawiin khan Education Minister Pu Lalsawta'n Vanapa Hall-ah a tlangzarh.
Pu Lalsawta chuan Vanlalruati chu rambuai thawpik lai, hlauh nei reng renga Mizote an awmlai hun a thawvenna kawl eng siamtu a ni, a ti a. Hunlo taka a boral ta mai chu a ui thu sawiin Pathian hla a sakna Album thar an tlangzarh chu Mizo mipuite tana malsawmna a nih ngei a beisei thu a sawi a ni. 

He huna khualzahawm Pu Lal Thanzara pawhin Vanlalruati chu Mizote rohlu a ni, a ti a. Amah leh a u Vanhlupuii chherchhuaktu Pu Vankhama pawh fakawm a tih thu  a tarlang bawk. 

Pi Vanlalruati hian album 4 a tichhuak tawh a.  Minister Pu Lalsawta hla siam engemawzat a hun hmasa lamah a lo sa tawh thin a ni. Tunah hian lenglawng hla 9 a sakna Album tlangzarh leh tura buaipui mek a ni bawk. Vawiin he Album tlangzarhna inkhawmah hian Mizo zaithiam lar tak tak thahnem tak an tel a ni.