1328/2023-2025
Lunglei;the 1st August,2023: Vawiin chawhma dar 11:30Am khan Lunglei Police Station Building(Ground Floor) thawmthat chu khuallian Pu Lawmawma Tochhawng, Vice Chairman, HPC Lunglei in a hawng.

Building thawmthatna sum hi Lunglei High Powered Committee Fund atanga dawn a ni a. Ground floor leh 1st Floor renovate nan hian Rs.15 lakh ve ve HPC Fund atangin sanction a ni a. Kum 2022-2023 a fund in vawiina hawn tak Ground floor hi siam a ni a. 1st Floor renovate na tur pawh 2023-2024 atan Rs.15 lakh sanction tawh niin, Police Department ten thawmthat hna an thawh theih ve leh hna hi thawh tan theih reng a ni. Lunglei police station building hi kum 1991 a sak tawh kha a ni a, Lunglei khawpui hmun lun lai taka awm a ni a, a building hi a hlui tawh hle a ni.

Vawiin renovated Police Station Building hawnna inkhawmah thu sawiin, Pu Lawmawma chuan Lunglei Police station hi India ram pumah Best Police station nihna chelh mektu a ni a,tehna hrang hrang hmanga teh a ni hnuah India ram pumpuia tha ber nihna hauh thei police station in, Mizoram a Police station building tha ber ni tura renovate a han ni hi anihna (best) nen pawh a inhmeh hle a ni. Police te ka lawmpui rualin kei pawhin ka thil hriat ve reng tur tling a ni, a ti. Pu Lawmawma chuan Lunglei Police station staff ten neitu rilru pu a an building thawmthat hna an thawk chu ropui a ti thu sawiin, fak phu te nena hnatawh ho chu a nuam hle a ni, a ti bawk. Khuallian chuan Lunglei Police te chu an hna huamchhung traffic management bikah India ram puma tha ber nihna chelhtu nih tum leh turin a chah a. Police station chu mipui ten tlangnel taka an pan ngam a, an harsatna leh manganna te an thlen ngamna hmun a nih theih nan, kan building thar nena inchawihin, PS staff te pawhin tunaia hawihawm leh nelawma anmahni pantu te,hlim taka an lo chhawn zel theih nan duhsakna a hlan bawk a ni.

Vawiin renovated buiding hawnna inkhawm hi police station kawtah neih a ni a, inkhawm hi Pu K.Beihmotaosa MPS,Addl.SP Lunglei in kaihruaiin, Pu H.Ramthlengliana,IPS,DIG(SR) leh Pi Ramdinliani IAS, DC ten thusawina hun an hmang. Pu H.Ramthlengliana,IPS,DIG(SR) chuan HPC in Police Dept. kawng hrang hranga an lo tanpui tawh dawn te tarlangin, Police te pawhin tun aia tha zawk leh taima zawka mipui leh ram tan kan thawh hi kan chunga thiltha tihtute kan rulh let vena a ni, tih i hre tlat ang u, a ti.

Pi Ramdinliani IAS, District bawrhsap pawhin Police te a lawmpui zia thu sawiin, hetianga PS building tha hi Mizoramah ka la hmu lo a,ka mithlaah cham reng dawn a ni. Renovation works thawktu Police station staff te inpekna hi dept. dang tan paw’n entawn tlak a ni,a ti.

Vawiin renovated building hawnna inkhawmah hian Pu HC.Saihnuna Sailo in hunserh a hmang a.

Pu Rahool Alwal IPS, SP Lunglei in welcome speech sawiin, Pu L.P Zohmanmgaiha,OC Lunglei PS in technical report a pe bawk.