Vawiin chawhnu dar 2:00 khan Pu L.B Sailo Director Ah&Vety Deptt. chuan Lungleia a vawikhatna atan Liquid Nitrogen Plant leh Veterinary a hawng.Vawiina hun hman hi Jt. Director Pu P. Lalbiakliana’n kaihruai in Pu L.B Sailo Director AH&Vety Deptt. chu khuallian a ni.

Khuallian chuan thu sawiin he Project hian Bawng leh lawi hnutea intodelh nan Bawng tha leh hnute tamchi a kan bawngte kah-rai leh thlah pawlh tir  tum ber anih thu a sawi a, he mi a tan hian phailam atangin Bawng chi tha (Semen) lak thin anih thin tur thu a sawi bawk a ni. Bawng kah-rai nana hmanraw chi hrang hrang mamawhte sawiin a tul anga ngaihtuah anih tur thu a tarlang tel bawk. Vawiin a a hawn tak Ran chi dah thatna khawl hi Netherland a tanga Rs.171.57 lakhs. man anih thu a sawi.

Hemi ni vek hian khuallian hian Lungleia Veterinary Hospital Building thar a hawng bawk. Hospital leh Dispensary te sak that nan hian Central chuan Rs.466.65 lakh hmuh a ni a, central sawrkar in suma pek hmang hian Hospital 5 athar hlaka sak that tum a ni. Hospital 3 renovate tum a ni bawk. Dispansary 27 a thar  hlaka sak tum a ni a, Dispansary 14 te chu renovate tum a ni bawk, tichuan hospital 8 leh Dispansary 41 sak that hna chu kalpui mek a ni a, tunah hian Hospital 5 sa zo tawhin 3 sak zawh loh a ni a, Dispansary pawh 42 sa zo tawh in 17 la sak mek anih thu a sawi bawk.