No.1310/2021-2022 

Aizawl 9th July 2021: Pu L.Thangmawia, Lengteng bialtu MLA chuan vawiin ni 9.7.2021(Zirtawpni) Changzawl khuaa Health Clinic Building a hawng, he building hi 25x15 ft a zau niin MLA Fund hmanga Rs 500000 (Cheng nuaih nga) senga sak a ni.

 Changzawl ah hian Health Sub-Centre a awm lo va, mahse khawtlang mamawhna a nasat avangin  Changzawl Khawtlang chuan kum 2017 khan Health Clinic in tur hi Assam type in te tak te sa in bul an lo tan  tawh a ni. Khawtlang in  Health Clinic sa  mahse thawktu tur (Health worker) chu dan anga  sorkar atanga pek mai theih an nih rih loh avangin Pu L.Thangmawia chuan bialtu MLA a nih tirh atang khan MLA Fund hmangin Health Worker a lo rawih sak tawh bawk  a ni.

Pu Thangmawia chuan Changzawl khawtlang inpekna ropui a tih thu sawiin, Health Clinic Building thar sakna kawnga hlep chu sawi loh, chawibelh hiala sak  puitlin a ni chu ropui a tih thu sawiin, Health Department lamah pawh Health Clinic Centre puitling anih theih nan theihtawp a chhuah mek thu leh a chhuah zel tur thu a sawi a ni.

  Pu Thangmawia hian Changzawl khawtlang tan Oxygen Concentrator, Glove leh Mask  te a pe a. Changzawl VCP Pu Malsawmdawngliana chuan Changzawl khawtana theihtawp a chhuah thinnaah bialtu MLA chungah khawtlang aiawhin lawmthu a sawi bawk.

  Pu L.Thangmawia chuan, a bial chhung hmun danga MLA Fund a hnathawh mek Kawlkulh North Community Hall a Babminton court carpet phah leh NE.Khawdungsei to Tuivai Agriculture Link road laih te mek chu tlawhin an hnathawh dante a hmunah a enfiah bawk a. A bial chhunga damdawiin hrang hrangte hnen ah damdawi leh thil chi hrang hrang hman tur a pe nghal bawk a ni.

Attachment

  • Loading attachment...