No.1311/2021-2022 

9th July, 2021: North Eastern Development Finance Corporation Limited (NEDFi) chuan vawiin khan COVID-19 hrikaite enkawlnaa mamawh oxygen leh a kaihhnawih hmanraw mamawh leina atan Chief Minister Pu Zoramthanga hnenah Corporate Social Responsibility (CSR) atangin CM Relief Fund for COVID-19 atan cheng nuai 15 an hlan.

NEDFi hian CSR kaltlanga hmalakna pakhatah Mission Oxygen Programme siamin, India hmarchhak state pariata Covid-19 thawh hnihna avanga oxygen mamawh te phuhruk theih na tura puihna an ruahman a ni. NEDFi hian COVID-19 dona atan PM Cares Fund-ah Rs.2 crores an lo thawh tawh bakah India hmarchhak state thenkhatah hospital, nursing home leh diagnostic centre tihchangtlunna turin hma an lo la tawh a ni.

Vawiina NEDFi Mizoram aiawhin Chief Minister hnenah hian Pu Lalhruaizela Fanai Branch Manager, NEDFi, Aizawl Branch chuan a hlan a ni.