No.6285/2020-2021

Kolasib 20th October, 2020: Vawiin chawhnu khan Dr. H.Lalthlangliana, Deputy Commissioner, Kolasib district chuan Chief minister hmingin CM Discretionary Fund cheng 50,000 chu, ni 17.10.2020 a Vairengte ramria hliam tuar, Kolasib District Hospital-a enkawl mek, Pu. Malsawmkima hnenah a hlan a. Hemi rual hian District Hospital Kolasiba Doctor-te pawn kanna tur a sumfai an thawh khawm an hlan nghal bawk a ni.

Dr. H.Lalthlangliana chuan Pu.Malsawmkima huaisenna leh ram tan a a inpekna chu ropui leh entawntlak a tih thu a sawi a, hliam a tuar erawh pawi a tih thu a sawi bawk a ni. Chief Minister-in Pu. Malsawmkima inpekna chu ngaihhlutawm a tih em avangin Kolasib DC kaltlangin CM Discretionary Fund cheng 50,000 a hlan a, hliam tuar dangte hnenah Addl. DC kaltlangin cheng 10,000 theuh a hlan bawk a ni. Deputy Commissioner chuan Pu.Malsawmkima hliam inenkawlna senso chu sawrkarin a tum sak vek tur thu a sawi bawk a ni.