Pu N.K. Chakma, Sericulture Minister chuan vawiin  chawhnu dar 1:00 khan a office chamber-ah Sericulture Department Officers te kawmin Sericulture department hmasawnna tur kawng hrang hrang an sawiho a ni.

 

Minister chuan a department chana thawkte chu thawhhona tha nei tur te, department hmasawnna tura neitu thinlung pua an thiamna hmang tangkaia thurawn pe tur te, sorkar policy ngai pawimawh turte leh harsatna awm apiangte chhungkua an nihna anga intawiawma inhriattir zel turin a chah. Thawktute leh department harsatna neih ang angah a tul anga lo enpui zel a tum thu a sawi bawk.

He meeting-ah hian Sericulture Secretary Pu Remmawia Vanchhawng pawhin thu sawiin, pangang khawi hi zirna lama thiamna sang nei lo te leh miharsa tana intodelhna leh eizawnna tha berte zing ami anih thu a sawi a. Department a mithiam hmasate hmunruak tunlai mithiamte hmanga hnawhkhah theih lohva awm chu department harsatna tawh lian tak a ni a ti. He department hi department pawimawh tak leh zirchiana tui awm tak a ni a ti. Sericulture Department Director Pu Rosanga Colney pawhin an department hnathawh chu mirethei leh harsate tan anih thu te, Mizoram sik leh sain a rem eizawnna pawimawh tak chu sericulture hi a ni a ti.

Sericulture department hi kum 1985 a in dang, kum 23 a upa a ni a, tunah hian thawktu officers leh staff pawh 239 awmin District pasarih-ah tunah hian project neiin hma an la mek a ni.

He meeting-ah hian Sericulture department Secretary Pu Remmawia Vanchhawng leh Director Pu Rosanga Colney te bakah officer dang an kal kim hle a ni.