Vawiin chawhma khan Disaster Management and Rehabilitation Minister Shri Nihar Kanti Chakma chuan Central YMA Hall-ah zirtirtute tana buatsaih 'Training on School Safety' a hawng.
Minister chuan hawnna thu sawiin Mizoram hian Pathian khawngaihna avangin chhiatna lian tham kan tuar lo a, chutichung chuan chhiatna hi engtikah nge a lo thlen dawn tih hriatlawk theih a nih loh avangin lo inrinlawk hi a pawimawh a, zirtirna kan inpek that hi a tul a ni a ti. State, district, block leh village level ah te disaster management chungchang zirtirna pek thin niin training pawh kumtin neih thin a ni a. School zirtirtute tan pawh safety training hi a pawimawh a, vanduaina lo thleng thut thei atan naupangte himna kan ngai pawimawh tur a ni a ti a. Zirtirtu kalkhawmte chu taima leh hlawhtling taka hun an hman theih nana duhsakna hlanin training hi a hawng a ni.
Hawnna inkhawmah hian Pu Rohmingliana Secretary, DM & R chu chairman a ni a. Pu Dominic Lalhmangaiha State Project Officer, GoI - UNDP DRR Program chuan keynote address a pe a, Dr. Lalrokima Chenkual Head Faculty, DMC, ATI chuan Course objective chungchang a sawi bawk. Training hi ni 16 - 18 June, 2010 chhung neih tur a ni.
Hawnna inkhawmah hian Pu Rohmingliana Secretary, DM & R chu chairman a ni a. Pu Dominic Lalhmangaiha State Project Officer, GoI - UNDP DRR Program chuan keynote address a pe a, Dr. Lalrokima Chenkual Head Faculty, DMC, ATI chuan Course objective chungchang a sawi bawk. Training hi ni 16 - 18 June, 2010 chhung neih tur a ni.
