Vawiin tlai khan Aijal Club-ah Climate Change Adaptation in N.E Region (CCA –NER ) project,Mizoram chu Pu Naveen Verma IAS,Secretary,DONER in a hawng.He hunah hian Department hrang hrang Secretary te leh Forest Department hotu te bakah Department hrang hranga hotu te an tel kim hle.

He Project hi hmar chhak bial te tana duan niin a thawhkhatnaah Nagaland, Meghalaya leh Sikim te tuam a ni a. A thawh hnihnaah Mizoram leh Arunachal Pradesh-te telh an ni. North East state hrang hranga thingtlang khua a chengte chawikanna tura duan a ni a. Sikkim-ah chuan he project kaltlang hian Springshed development hlawhtling taka kalpui tawh a ni nghe nghe. Kum kalta September thla khan he project pual hian a kaihhnawih department-ten meeting neiin a ruangam an lo din fel tawh a. Hei hi Ministry of DoNER ah thehluh niin DoNER Secretary hian vawiin khan Aijal Club-ah hemi puala programme buatsaihah a hawng ta a ni.

Mizoram Chief Secretary Pu Lalmalsawma kaihhruai vawiin programme-ah hian GIZ & CCA _ NER phase 1 activities leh CCA_ NER phase 11 activities proposed in Mizoram chu sawifiah a ni a. Pu Lalram Thanga PCCF & Principal Secretary,Environment & Forests Department chuan lawmthu sawiin hun a khar.