All Mizoram  Inter Village Under 16 Football Tournament khelh  mek chu vawiin khan  Tanhril  Local Council  leh Kawnpui V/C – 3  ten Sipai Lammual ah final an khel a. Pu C Ngunlianchunga A H & Vety Minister  chuan Football Final  khelh hi enpui in   lawmman  a sem nghal a ni.

Mizo te hi infiamna lam a bik in football ah  hma kan sawn in India  ram team tha zingah  pawh Mizo tlangval te hming a lar tawh in Mizo mipui te pawh hian kan chhuang em em a ni tiin  khuallian Pu C Ngunlianchunga chuan  vawiin a inkhel  Tanhril Local Council  Team leh  Kawnpui V/C-3 team a infiammi te chu chibai buk kual in  duhsakna  a hlan  a. Khaw 117  zet  inkhel tur team  an chhuak  thei leh  team za chuang zet  zinga  vawiin final a khel te chu a lawmpui thu a sawi bawk. Kan Mizo thalai  te hmel leh pumrua  a tha in  hrisel hmel tak tak  hmuh tur an  tam tawh  a, a fin pawh an fing tawh in  rilru leh taksa hriselna tur ah pawh an taima   a, fitness lamah hma  an la nasa a ni ti a fak  in Minister chuan  hetiang anih chhoh zel chuan infiam na leh thiamna dang dangah te Mizo  ten par an la chhuang ngei ang tiin infiam mi te chu a fuih a ni.

MFA hnuaia All Mizoram Inter Village Under 16 Football Tournament    khelh  mek hi  National Health Mission  hnuaia office hrang hrangte sponsored a ni .