Nimin tlaiah khan Raj Bhavan ah NITI AAYOG team, Agriculture bika mawhphurhna pek te  chuan Governor Lt Gen Nirbhay Sharma (Retd) kawm in Mizoram in Agriculture a hma a sawn theih dan tur kawng hrang hrang an sawipui.

NITI AAYOG team lo kal te hi  Prof. Ramesh Chand,  Member (Agriculture) NITI Aayog , Pu Jitendra Kumar, Adviser (Natural Resources &   Environment) Dr J.P. Mishra, Adviser 
(Agriculture)  leh Pu A. Muralidharan, Deputy  Adviser (Water Resources) te an ni a.  NITI AAYOG team rawn hruaitu  Prof. Ramesh Chand chuan Mizoram ah Agriculture leh Horticulture a hlawhtlin theih a rin thu Governor chu hrilh in state sawrkar chuan Agriculture leh Horticulture huang chhung bikah pawh chi hrang hranga hma la lovin thlai chin bike tur leh enkawl nasat zual tur tlemte thlang chhuak se a that tur thu a hrilh a. An rawn kal chhan ,  Mau chungchang bikah pawh theihtawpa sawrkar hmalakna rawn pui an tum thu sawiin Mizoram sawrkar leh chhungkaw tin ten mau hmanga siam thil dang aiin an uar zawk a ngai a ni a ti. " Bawlhlawhbawm, furniture, insakna chak leh thildang ah te tualchhung mau hmang uar in mau hmanga siam chawi lar a pawimawh hmasa a. Polythene bag, chawhmeh leh thildang khai nana kan hman te hi titawp a polythene aiah mau hmanga tah leh siamte hman hi a hrisel in kan chhehvel vawn thianghlim na atan thlengin a pawimawh a ni",  a ti. Agriculture hlawhtlinna atana pawimawh pahnih tui dahkhawl leh thlairah vawnthat chung changah Mizoram in hna a la ngah thu a tarlang bawk.

Governor Lt Gen Nirbhay Sharma ( Redt) chuan NITI AAYOG hmalakna tha a tih thu tarlang in state te deuh leh uluk zawka enkawl ngai Mizoram ang te tan nasa zawka NITI AAYOG chuan ngaihtuahna  a sen zel a beisei thu a inleng te hi a lo hrilh a.  Agriculture a innghat tura rinkai Mizoram in a khamkhawp a thar theihnan theihtawp a chhuah mek tih sawiin Horticulture, Agriculture leh thlai tharchhuah te hralhna kawnga hmalakna ah te central sawrkar puihna tamtham tak Mizoram in a mamawh tih NITI AAYOG official te chu a lo hrilh a ni.

Attachment

  • Loading attachment...