3264/2023-2024
Dated the 7th January, 2024: January ni 4, 2024 a Chief Minister Pu Lalduhoma'n Union Minister of Road Transport & Highways Pu Nitin Gadkari a hmuh hnu lawkah Pu Nitin Gadkari chuan Twin Tube Uni- directional Aizawl Bypass Tunnel thawhna tur sum Rs. 1313.28 crores chu a sanction thu Chief Minister hi a rawn hriattir.
He sum a rawn sanction hi National Highway No. 6, Sairang leh Phaibawk inkar, a lei verh thui zawng km 2.5, a luhna (approach road) km 2.1 a thui, a vaiin km 4.60 a thui thawhna tur a ni a, package 2 huam chhunga mi a ni.
He kawngpui hian Aizawl khawpui paltlanga lirthei kal tam tak te a titlem dawn a, khawpui chhunga lirthei tam lutuk chu nasa takin a ti ziaawm dawn a ni. Tin, Aizawl khawpuia lirthei che vel himna a tisang zual ang a, khawpui hel kualtu kawngpui pawimawh leh tangkai tak a ni bawk ang. Sairang leh Phaibawk inkar kawngpui hi km 22 zetin a titawi dawn a, tuna kawng awmsa zawha he hmun pahnih thlen nana hun hman thin kha darkar khat leh a chanve zetin a titlem dawn a ni.
