Pu P.L. Thanga, Member Secretary State Planning Board chu Students Self-Support Union (SSU) General Assembly vawi 24-na Ngopa khuaa hman pui turin 15th Oct 2009 khan a kal a. Minor Irrigation Dept. leh ZEOA officer leh Revenue Dept. officer te PHE Dept. leh BDO Ngopa ten an tawiawm a. Aizawl leh Ngopa inkar project engemaw zat an en nghal a ni.
Sakei bungalow hmuna Minor Irrigation Dept. hmalakna a loneitu In 54 lai tan a hmalakna te, Tuithil dung minor irrigation Scheme kal mek leh project thar an buatsaih mek te an en a. An hmalaknaah loneitute an phur hle a. Double Cropping leh Mixed Cropping chin dan ruahmanna te, sorkar policy thar convergence hnuaia hmalakna leh “participation planning and project management” project buatsaihna ah leh implementation stage ah te, project zawh hnu a beneficiary committee “Water Users Committee” an tih te kuta project hlan chhawng vek a, Project beneficiary loneitute kuta engkim an pe chhuak chu Pu. P.L. Thanga chuan tha a ti hle a. Training pe zui a, tha zawka an tui kawng te enkawla loneituten hlawkna tha zawk an neih theih nan hma la zui turin a ngen bawk.
Ngopa khuaah Thli atanga electric siamna tur “Wind Revenue Assessment Centre” Ministry of New Renewable Energy din na tur hmun pawh thlan fel a ni a. Tluang taka kalpui chuan kum 2 hnu ah Ngopa hman tur thli atanga electric siam theih an beisei.
NEC hnuaia Damdiai lui atanga electric siamna leh minor irrigation siam tumna pawh en nghal a ni a. Project tha tak a ni ngei ang an ti.
Lengteng tlang chhip Tuila lui hmar khuah a, electric siamna, water supply leh minor irrigation project a hman theih turin Tuila Multli-purpose Project pawh Department officer hrang hrang, Power & Electricity Dept., PHED, Minor irrigation leh ZEDA te nen hmalak dan tur sawi ho a ni a. Uluk zawka Survey a Investigation tih zet a bawhzui tha an ti. He tuikhuahna hmunah hian 10 meters vela sanga tui khuah chuan kilometer 2 laia sei dil lian tak a siam ang a. Lengteng Tlang pumpui leh a chhehvel ramngaw humhalh bawka khaw 5 zet water supply pek theihna tur niin an ngai. Hetiang project hi tihpuitlin theih chuan Mizoramah a hmasa ber a ni ang.
Ni 15 Oct 2009, Thursday zanah Ngopa Jubilee Hall ah Vantlang inkhawmna ropui takin Ngopa VC, YMA, MHIP leh zirlai hotuten an buatsaih a. NLUP sawrkarin a kaipui dan tur leh sawrkar hmalakna thar leh hmasawnna te beng lut takin Pu. P.L. Thanga chuan a sawi a ni.
Ni 16th Oct 2009 khan SSU General Assembly 24-na Ngopa Jubilee Hall ah ropui taka hman a ni. Khuallian niin Pu. P.L. Thanga’n hian khawpui hi a fang a. Aizawl atangin Bus 6 leh motor te engemaw zat hmanga College leh High School hrang hrang atanga palai tam tak an lo kal a. Pu. P.L. Thanga chuan Zirlai hote fuihin thuchah ngaihnawm taka a sawi chu zirlai ten an ngaithla kham lo hle.
Minor Irrigation project an en naah hian department hrang hrang Minor irrigation Dept. BADP hnuaia RD Dept., Tribal Affairs Ministry hnuaia Social Welfare Dept., leh Soil & Water Conservation Dept. ten Minor Irrigation Project an kalpui theuh thu sawiho a ni a. Heng Dept. te inhretawna hmalakna siamfel thuai atul thu sawiin hengte hi siamfel thuai anih loh chuan Corruption hnar a ni thei a, a hmathei ang bera siam fel tul a tih thu Pu. P.L. Thanga chuan a sawi bawk.
Ngopa khuaah Thli atanga electric siamna tur “Wind Revenue Assessment Centre” Ministry of New Renewable Energy din na tur hmun pawh thlan fel a ni a. Tluang taka kalpui chuan kum 2 hnu ah Ngopa hman tur thli atanga electric siam theih an beisei.
NEC hnuaia Damdiai lui atanga electric siamna leh minor irrigation siam tumna pawh en nghal a ni a. Project tha tak a ni ngei ang an ti.
Lengteng tlang chhip Tuila lui hmar khuah a, electric siamna, water supply leh minor irrigation project a hman theih turin Tuila Multli-purpose Project pawh Department officer hrang hrang, Power & Electricity Dept., PHED, Minor irrigation leh ZEDA te nen hmalak dan tur sawi ho a ni a. Uluk zawka Survey a Investigation tih zet a bawhzui tha an ti. He tuikhuahna hmunah hian 10 meters vela sanga tui khuah chuan kilometer 2 laia sei dil lian tak a siam ang a. Lengteng Tlang pumpui leh a chhehvel ramngaw humhalh bawka khaw 5 zet water supply pek theihna tur niin an ngai. Hetiang project hi tihpuitlin theih chuan Mizoramah a hmasa ber a ni ang.
Ni 15 Oct 2009, Thursday zanah Ngopa Jubilee Hall ah Vantlang inkhawmna ropui takin Ngopa VC, YMA, MHIP leh zirlai hotuten an buatsaih a. NLUP sawrkarin a kaipui dan tur leh sawrkar hmalakna thar leh hmasawnna te beng lut takin Pu. P.L. Thanga chuan a sawi a ni.
Ni 16th Oct 2009 khan SSU General Assembly 24-na Ngopa Jubilee Hall ah ropui taka hman a ni. Khuallian niin Pu. P.L. Thanga’n hian khawpui hi a fang a. Aizawl atangin Bus 6 leh motor te engemaw zat hmanga College leh High School hrang hrang atanga palai tam tak an lo kal a. Pu. P.L. Thanga chuan Zirlai hote fuihin thuchah ngaihnawm taka a sawi chu zirlai ten an ngaithla kham lo hle.
Minor Irrigation project an en naah hian department hrang hrang Minor irrigation Dept. BADP hnuaia RD Dept., Tribal Affairs Ministry hnuaia Social Welfare Dept., leh Soil & Water Conservation Dept. ten Minor Irrigation Project an kalpui theuh thu sawiho a ni a. Heng Dept. te inhretawna hmalakna siamfel thuai atul thu sawiin hengte hi siamfel thuai anih loh chuan Corruption hnar a ni thei a, a hmathei ang bera siam fel tul a tih thu Pu. P.L. Thanga chuan a sawi bawk.
