Kolasib St.John’s Higher Secondary School kum 50 tlin Golden Jubilee lawmna kal zel Closing Function nimina an school Auditoriuma neih chu Chief Minister Pu Lal Thanhawla chuan a hmanpui.
Chief Minister chuan kum 50 hi hun rei tak anih thu sawiin, St..John’s HSS in golden jubilee lawm theia an awm chu a school enkawltute leh zirtirtute inpumpekna vang nia a hriat thu a sawi a. Kum 1894 a Christian Missionary te Mizorama an lokal atang khan thil tam tak inthlakthlengin, mi lu la thin hnam kha khawvel eng min rawn hmuh tir a, zirna lamah te, hriselna lamah te nasa taka hma an lakna khan vawiin hi min thlen tir a ni tiin an chungah Chief Minister chuan lawmthu a sawi a. Zirna lam bikah Catholic Kohhran hian nasa taka hma la in Mizoram chhung mai nilo, khawvel hmun tam takah zirna in tha leh hmingthang ber ber an din a. Hei hi Pathian Nung nei chunga an thawh avang leh an inpumpekna vang a ni a ti a, a kohhran chungah lawmthu a sawi nghe nghe a. St. John’s HSS ngaihhlut thil (values) zirlai naupang ten an rawn entir chungchangah Chief Minister chuan an thil rawn entir, traffic police lema rawn changa hlemhletna duhlo, tham theih loh leh tham duhlo rawn entirte, mi te tanpui inpeih reng doctor te, mahni hnathawhna a inpumpek tlat Pathian rawngbawlna a ngai te leh hlawh nei tur chuan ka thawh a ngai tih rawn entirte chuan kan tunlai nun nen a inchawih (relevant) hle a ni a ti.
Pu Lal Thanhawla chuan kan hnathawh theuhah inpumpekna kan tlakchham thin avangin rah tha hmuh tur a awm thin lova. Hlawkna tur dang melh reng chunga hna kan thawh hian (divided loyalty) kan hna mai nilo, kan thawhna khan a tuar thin a ni a ti a. Hetiang anih thin avangin kum 50 tlin hma a School ral ta maite pawh an tam a ni a ti. Thalai lehkhathiam hna hmulo tam tak awm chhante pawh an zirchhuahah thiamna tluantling an neih loh avangin competitive examah te an tling thei lova, hmantlak loh tam tak an awm a ni a ti. Hetah hian anmahni dem mai tur a nilo tiin, an zirna school kha a that tawk loh vang zawk a ni fo a ni a ti a. a.Chuvangin an thawh theih awm tawk sorkarin a ngaihthuah sak a tul a ni a ti. Zirtirtu quality tlachham tam tak an awm thu leh zuk leh hmuama fihlimlo, naupangte tan entawn tlak loh thahnem tak an awm thu a sawi bawk a. Siam that hna kan thawh turah mitinin tan kan lak a ngai a ni, Chief Minister chuan a ti.
Pu Lal Thanhawla chuan St.John’s HSS chu kum tam tak lo kal zel turah hlawhtlinna thar nen kalchho zel turin a duhsakna a hlan a ni.
He huna khualzahawm Pu P.C. Zoram Sangliana, Minister for Art & Culture pawhin thu sawiin, St.John’s HSS in golden jubilee an lawmna atang hian mitinin kan sal tanna, ruihtheih thil leh zuk leh hmuam laka ta tal chhuah nan I hmang ang u tiin kalkhawm zawng zawngte a sawm a ni.
Lawmna thusawi hmangtu Rev. Bro. Verghese M.T., Principal, St. John’s HSS chuan a thusawiah Chief Minister Pu Lal Thanhawla hian an school hi vawi 3 a tlawhna anih thu sawiin, kum 1984 khan Silver Jubilee an lawmnaah alo tel sak tawh thu a sawi bawk a ni.
St. John’s HSS hi kum 1959 khan Catholic Kohhran hnuai Holy Cross ten bul rawn tanin, Bishop bialin hun engemaw chen an rawn enkawl chho leh a. Chumi zawhah tuna enkawltu Monfort Brothers hian an rawn chhunzawm ta a ni. Kolasib District chhunga Higher Secondary Zirna In awm chhun a ni a, Arts leh Science Stream bakah Vocational Course zirna a awm bawk a ni. Zirlai naupang 900 vel an awm mek bawk.
Chief Minister hi a nupui Pi Lal Riliani’n a tawiawm a ni.
Pu Lal Thanhawla chuan kan hnathawh theuhah inpumpekna kan tlakchham thin avangin rah tha hmuh tur a awm thin lova. Hlawkna tur dang melh reng chunga hna kan thawh hian (divided loyalty) kan hna mai nilo, kan thawhna khan a tuar thin a ni a ti a. Hetiang anih thin avangin kum 50 tlin hma a School ral ta maite pawh an tam a ni a ti. Thalai lehkhathiam hna hmulo tam tak awm chhante pawh an zirchhuahah thiamna tluantling an neih loh avangin competitive examah te an tling thei lova, hmantlak loh tam tak an awm a ni a ti. Hetah hian anmahni dem mai tur a nilo tiin, an zirna school kha a that tawk loh vang zawk a ni fo a ni a ti a. a.Chuvangin an thawh theih awm tawk sorkarin a ngaihthuah sak a tul a ni a ti. Zirtirtu quality tlachham tam tak an awm thu leh zuk leh hmuama fihlimlo, naupangte tan entawn tlak loh thahnem tak an awm thu a sawi bawk a. Siam that hna kan thawh turah mitinin tan kan lak a ngai a ni, Chief Minister chuan a ti.
Pu Lal Thanhawla chuan St.John’s HSS chu kum tam tak lo kal zel turah hlawhtlinna thar nen kalchho zel turin a duhsakna a hlan a ni.
He huna khualzahawm Pu P.C. Zoram Sangliana, Minister for Art & Culture pawhin thu sawiin, St.John’s HSS in golden jubilee an lawmna atang hian mitinin kan sal tanna, ruihtheih thil leh zuk leh hmuam laka ta tal chhuah nan I hmang ang u tiin kalkhawm zawng zawngte a sawm a ni.
Lawmna thusawi hmangtu Rev. Bro. Verghese M.T., Principal, St. John’s HSS chuan a thusawiah Chief Minister Pu Lal Thanhawla hian an school hi vawi 3 a tlawhna anih thu sawiin, kum 1984 khan Silver Jubilee an lawmnaah alo tel sak tawh thu a sawi bawk a ni.
St. John’s HSS hi kum 1959 khan Catholic Kohhran hnuai Holy Cross ten bul rawn tanin, Bishop bialin hun engemaw chen an rawn enkawl chho leh a. Chumi zawhah tuna enkawltu Monfort Brothers hian an rawn chhunzawm ta a ni. Kolasib District chhunga Higher Secondary Zirna In awm chhun a ni a, Arts leh Science Stream bakah Vocational Course zirna a awm bawk a ni. Zirlai naupang 900 vel an awm mek bawk.
Chief Minister hi a nupui Pi Lal Riliani’n a tawiawm a ni.
Attachment
- Loading attachment...
