Tukin zing dar 8 khan Pu PC Lalthanliana, Social Welfare Minister chuan Lunglei District khaw hrang hrang a SSA hnuaia zirlaibu, a thlawn a sem tur a vailiam. SSA District Project Office BRC Hall-ah vailiamna inkhawm tawi neih niin District Project Co-ordinator Pu R. Laldawnglian\'n a kaihruai a.

Khuallian Pu PC Lalthanliana chuan thu sawiin DPC leh a hoten hetianga Free text Book sem chhuah theiha an buatsaih chu lawmawm a tih thu a sawi a. Mizoram District hrang hrang a semchhuah hmasak ber Lunglei District a ni chu a vanneihthlak tiin Development chak taka a kal mek laiin zirna lamah chhimlam kan tla hniam hle a, keimahni lam kan in en let a kan intuai thar leh a tul hle a, Lunglei District a thalaite nasa tak a tan kan lak a ngai a ni ati bawk. Tun tum ah hian Zirlaibu chauh nilovin steel table, chair leh Green board te pawh sem tel a ni a, Residencial Special Training block hrang hrang a awm te tan Blanket leh Mattres te pawh vailiam tel a ni.Zirlaibu a thlawn a sem vailiam tak te hi Lunglei District chhung a Block pali ah sem darh an ni anga, Eastern Block ah Zirlai 6170, Bunghmin Block ah zirlai 9175, Tlabung Block ah zirlai 7456 leh Station block ah zirlai 8546 hnen ah sem a ni dawn a ni. Minister Pu PC Lalthanliana hian lehkhabu a thlawn a sem tur phur Motor 25 a vailiam a ni.