Vawiin August 26, 2009 hian Aizawl City Village Council Association (ACVCA) Inthlanna, Vanapa Hall-ah a hmanpui. He inkhawmah hian Pu PC Lalthanliana, Minister of State, i/c. LAD, etc. chuan thu tlem swiin “Mizoram hian hruaitu rintlak, mipuite tana innghahna tlak a nei. Tuna kan Plan Budget pawh mi tam tak rin phak bakin zaa 25 laiin a sang ta te hi sawrkar laipui pawhin hruaitu tlinga Pu Lal Thanhawla, kan Chief Minister hi an pawmzia a lang em em a ni,” a ti. Tuna V/C lo kalkhawm te hi sawrkar leh mipui tan rintlak leh innghahna ngam in nih ngam in nih ngei ka beisei. Ram leh hna siamthatna kawngah khua leh veng tina hruaitute chu sum leh paia rinawm taka thawk a, mi duhsak bik nei lova mitin tan thlamuanna tham ni tura tan la theuh turin a chah bawk.
He Aizawl khawpui V/C Association kalkhawmna hun serh hmangtu Rev. K.Lalrongheta, Khatla bialtu Pastor pawhin Pathian thu chhiarin, Aizawl khawpui chhunga V/C hotel chu mahni veng chhung theuh hmasawnna kawnga rintlaka hnathawk tur leh, rorelna hi mihringte tan mai a ni lova, Pathian aia roreltu an nih avangin roreltu dinhmun an chan chhung chuan Pathian tih a, A duh dana rorel tum theuh turin Bible thu atanga chahin a tawngtaisak a ni.
He V/C kalkhawm hi Pu VL Zaihmingliana, President, ACVCA in kaihruaiin, General Secretary, ACVCA in report a pe bawk. Hemi hnu hian hruaitu thar an thlang nghal a ni.
He V/C kalkhawm hi Pu VL Zaihmingliana, President, ACVCA in kaihruaiin, General Secretary, ACVCA in report a pe bawk. Hemi hnu hian hruaitu thar an thlang nghal a ni.
