Pu P.C. Lalthanliana, Social Welfare Minister chuan vawiin khan Govt. J. Thankima College Freshers’ Social-cum-Annual Magazine release programme Vanapa Hall-a neih chu a hmanpui. Inkhawm hi Pu John A. Lalnghakzuala, Vice President, Student Union in a kaihruai a ni.

Minister chuan zirlaite chu tum mumal fel tak nei tura chah in, retheih huam chunga nawmsak thlahlel lova zirlaiten nun an hman a ngai a ni tiin nuamsa taka lehkhazir hi hlawhtlinna a ni kher lo a ti. Zirlai tumruhte tan chuan hlawhchhamna a lo thlen pawhin, an hlawhtlinna kailawn atan an hmang mai thin a ni tiin Minister chuan zirlaiten ram leh hnam kan hmangaih tur a ni a, ram leh hnam kan hmangaih theih dan ber chu thiamna chhawrtlak pawchhuak tura taima taka lehkhazira hlawhtlin hi a ni a ti.

Minister hian Govt. J. Thankima College 9th Annual Magazine, ‘Nghilh Loh Par’ a tlangzarh nghal a. He college ah hian zirlai 765 an awm mek a ni.