Vawiin chawhnu khan Parliamentary Secy Pu H Zothangliana chuan Tlangsam Polytecnic Building sak zawh tawh chu a hmunah kalin a enfiah.

Parliamentary Secretary Pu H Zothangliana chuan Champhai leh Kolasib District ah Polytechnic building chu hawn mai theih tawh tura sak zawh a nih thu leh, hman theih tura ruahman mek a nih thu a sawi a. Amaherawhchu luah hauh hma a building sak zawh tawh atanga hian tu tih hriatloh ten floor tile leh electric wires an lo ruk bakah tukverh darthlalang thenkhat tihkeh a ni chu rilru nat thlak a tih thu a sawi a. Tlangsam Branch YMA in venhim hna an thawh china bungraw chhia leh bo thlau a awm ta lo chu lawmawm a tih thu a sawi bawk a. Sorkar thil hi kan ta a ni tih kan hriatrenga kan venhim zawk a tul a ni, Parliamentary Secretary chuan a ti.

Revenue Office building, New Champhai a mi pawh Parliamentary Secretary hian a tlawh nghal a. Luah mai theih turin tunah minor repair work khawih mek a ni. Parliamentary Secretary hi vawiin hian Govt. Champhai College Principal Pu Lalnunmawia leh ASO Pu Lalringliana Tonsing ten an tawiawm a ni.