Vawiin khan Mizoram State Social Welfare Board buatsaih International Women’s Day chu Synod Conference Hall-ah hman ve leh a ni a. Social Welfare Minister Pu P.C. Lalthanliana ‘n a hmanpui a ni.

Pu P.C. Lalthanliana chuan thu sawiin hmeichhiate hian an dinhmun chawisana vohbik nihna lam ngawt ngaihtuahna rilru pu lovin khawtlang leh ram tana Mizo hmeichhiate hian kan tih ve theih leh kan siamthat theih ang ang a hmalakna lama tun aia chawk zawk leh nasa zawk a ke pen theih dan tur ngaihtuahna lamah kan thanharh a tul hle a ni, a bik takin kan khawtlang nun chhe mek siam tha tur hian kan ram ah hmeichhia/nu te aia pawimawh leh tangkai tur an awm lo tih hi sawi ngailo a chiang a ni a ti.

He hun hi Pu Zothankimi, Chairman Mizoram State Social Welfare Board in a kaihhruai a, Prof. Lalneihzovi, MZU chuan hmeichhiate hma khua humhalh lam hawi zawnga a thu ziak a chhiar chhuak a ni.