Vawiin chawhnu khan Horticulture Minister Pu P.C. Lalthanliana’n Pu Lalnundika Hnamte in ‘Prohibition: Socio- Economic Assessment of Gujarat and Mizoram’ tih lehkhabu a ziah chu Savidge Lorrain Hall Khatla ah a tlangzarh.

Pu P.C. Lalthanliana chuan prohibition chungchang hi kan ram ah pawh issue sawi hlawh leh ngaihdan pawh in ang lo taktak awm mek a ni a; kan dinhmun leh thlirna tlang a zir a ngaihdan inanglo thei a nih thu leh mithiam zawk ten research nei a hetianga lehkhabu an ziah atangin te a ngaihdan tha leh kalphung tha zawk te pawh min pe thei tur lehkhabu a nih ngei a duh thu leh taima taka mithiam zawk ten a research an lo bei chu fakawm a tih thu a sawi a. Dan chu a awm a; Dan dik taka lekkawh piah lamah khawngaihna dan hman ve fo pawh hi Mihring te hian kan mamawh fo a; Dan ringawt avanga thil hi fel mai leh tha mai thei a ni mai vek kher lo bawk a ni ti.

He lehkhabu hi kawngtha zawk leh ngaihdan zau zawk kan neih theih nana hmanraw pawimawh tak a nih ngei a beisei thu a sawi bawk a ni.

He inkhawm hi Dr. Malsawmdawngliana’n kaihruai in Dr. H.Vanlalhruaia’n Book Preview-na neiih hun a hmang a ni.