Tukin zing dar 8:00 khan Lunglei North Constituency bialtu LAD Minister Pu PC Lalthanliana chuan a bial chhung Haulawng khua a ram pum huap Baptish Thalai Khawmpui thlenna tur hmun a tlawh. Minister hi PWD, PHE, P&E, Police, FCS&CA leh I&PR hotu ten an tawiawm a. MTKP khawmpui 2013 organisation committee te nen hmalak tawh chin thlir hona leh harsatna thenkhat la awm sutkian dan tur an sawi ho hnu in khawmpui nghahna hmun Pandal sak mek a enfiah nghal a ni.

Minister chuan Mizoram cheng tam zawkte Kristianna vuantu te kan nih avangin sawrkar pawh in NGO te hunpui te bakah Kohhran khawmpui ah te pawh mawhphurhna a neih a hlen ve a ngai a. Mizoram innghahna lungphum 3 kohhran, sawrkar leh NGO te hi lakhran theih an ni lova. Ram hmasawnna atan leh ke an pen rual a ngai zawk a ni a ti.

Chief Minister hmalakna zarah Haulawng khua pawh in khawmpui chhhunga tui, Power supply leh buhfai te an mamawh tawk an dawn theih ngei dawn thu LAD Minister leh bialtu MLA nibawk Pu PC Lalthanliana chuan a sawi a ni. Haulawng khua MTKP khawmpui 2013 thlengtu tur hi in 500 chuang hret ah an in chhal a. Inkhawm chhimtu tur palai hi pre -registration atanga chhut dan in palai 7000 chuang hret tura rin a n

i. Inkhawmpui nghahna tur hmun pandal hi Haulawng mual ah sak zawh thawkhat a ni tawh a. A dung Feet 206 leh a vang feet 126 niin palai 6000 atang 7000 inkar leng thei tura hisap a ni. MTKP khawmpui 2013 budget Rs.27 lakhs chu bialtu MLA leh Organising Committee thawhrimna zarah tlin a nih tawh thu tarlan a ni. March 21 hi khawmpui thlenkim ni a ni ang , March 24, Pathian ni hian inkhawmpui a tiak thung ang.