Vawiin chawhma dar 11:00 khan Saikuti Hall Lunglei ah Fishery Department buatsaih Fish Farmers Training on Modern Method of Fish Culture under NLUP (2nd Phase) neih niin NLUP 2nd phase 1st Installment sem nghal a ni. DFDO in inkhawm kaihruaiin Pu Lalfela Sailo Addl. DC chu khuallian a ni.

Khuallian chuan Mizoram hmasawn na tura hmalakna pakhat sangha khawia eizawnna ah rilru pe a thehnem ngai taka in thawh chuan a hlawhtlin ngei ang tiin, beidawnna rilru pu chunga in thawh chuan hlawhtlinna a awm lovang a ti. In beidawn chuan sawrkar leh nangmahni in mualpho ang a ti bawk. Mizoram sawrkar in NLUP hmanga sangha dil siam nana tanpuinaa pek hi anihna ang taka a hmang turin leh sangha a kan intodelh theih na turin mitin te taima tak a thawk theuh turin a chah.

NLUP Lunglei District chhunga Sangha khawi thlangtu chhungkua 151 hnenah Rs.50000/- (Cheng Singnga) theuh 2nd phase 1st instalment sem an ni a. Hei hian sangha dil thar 0.54 Hectre a zau tuam thei tur a ruahman a ni. Sangha dil siam dan tur leh sangha khawi dan tur Training Fishery Technical miten training an pe a ni.