Nimin khan Social Welfare Minister Pu P.C. Lalthanliana, chuan Vocational Training Centre (VTC) Sethawn chu a tlawh a, he Training Centre hi changtlung zawka kalpui a nih theih nan Training Centre Director-in rawtna a thlen chu Minister hova sawiho niin Minister chuan a theih ang anga heng rawtna te ngaihtuah pui a nih tur thu a hrilh. Minister hi Parliamentary Secretary Pu K. Lalrinthanga leh Deputy Director, Social Welfare Department, Pu Vanlalnghaka Zote te bakah officer dangten an tawiawm a ni.

VTC Sethawn ah hian thalaiten eizawnna kawnga thiamna (Skill) an neih theihna turin Social Welfare Department chuan a thlawnin Computer, Automobile leh Electronics zirna a kalpui mek a, tunah hian zirlai 42 ( hmeichhia 5 leh mipa 37) an awm mek a ni.

Attachment

  • Loading attachment...