Vawiin khan Horticulture Minister Pu P.C. Lalthanliana chuan a office-ah Dr. S.N. Puri, Vice Chancellor, Central Agriculture University(CAU) a kawm a, Mizoram a Horticulture College din anih thuai theih nan hemi chungchanga tul leh pawimawhte an sawiho. He meeting-ah hian Parliamentary Secretary Pu K.Lalrinthanga, Horticulture Secretary leh Directorate-a Officers te an tel a ni.

Pu P.C. Lalthanliana chuan Zofaten Horticulture lama thiamna kan neih hi a tul takzetin ram mipui tam berte ei zawnna leh innghahna chu Horticulture a nih avangin, Zoram tan a nghahhlelh awm thu te, Vice Chancellor hi hrilh in, a theihna apiangah thahnemngai taka hma lak pui turin a sawm. Vice Chancellor chuan Minister zawhna chhang in he university hi din a nih thuai theihna turin Central Cabinet (Council of ministers) sanction nghah a ni a, hemi sanction a nih veleh tan thuai a nih tur thu a sawi a ni.