Vawiin khan Kolasib DC Conference Hall ah MIFCO Chairman leh Kolasib bialtu MLA leh 70th YMA General Conference 2015 a Organizing Committee Chairman ni bawk Pu P.C. Zoram Sangliana hovin YMA General Conference vawi 70-na Bairabi a October thla a neih tur chungchanga hmalak tawh na te thlir hovin YMA General Conference atana Sub- Committee 12 siamte hmalakna leh ruahmanna an duan te chu chipchhair takin an sawiho a ni.

Pu P. C. Zoram Sangliana chuan YMA General Conference hi Kolasib District hmel lanna tur anih dawn avangin a hlawhltin nan mawhphurna neite chu theitawp chhuah turin a ngen a. He meeting a tel Kolasib-a Department hotulu te chu an theihna zawnah theuh ngaituahna hmanga Conference hi hlawhtling taka neih anih theih nan theihtawp chhuahpui turin a sawm bawk a ni.