Vawiin chawhma khan Art & Culture Minister Pu P.C. Zoram Sangliana chuan Victoria Memorial Hall, Kolkata a tlawh a, Victoria Memorial Hall Director Dr. Chittaranjan Panda nen an inkawm nghal.
Pu P.C. Zoram Sangliana leh Dr. Chittaranjan Panda inkawm chuan Mizo History leh mi ropui te chanchin English leh Hindi-a lehlin International Standard Press-a chhuta International Market a pho chhuah te, Tribal Research Insitute-a Mizo lehkhabu vang thlan chhuah sa 5 a tul zat zat copy siam belh leh kumin chhung ngeia Cheraw troupe mi 50 vel Victoria Memorial Hall kawta lam tura tirh te an remti a, heng atana senso te hi Victoria Memorial Hall enkawltute tum vek tur a ni. Dr. Chittaranjan Panda hian Mizorama Anthropological Museum sak nan sum a rawn pek dawn bakah chumi atana DPR siam turin technical expert Mizoramah rawn tirh vat a tiam a. September 2010 ah hian Aizawlah Painting Competition neih tura rel a ni bawk.
