Nimin khan Kolasib A/C Bialtu MLA Pu PC Zoram Sangliana chuan Bairabi MZP te buatsaih Zirlai titha te chawimawina hun chu Bairabi N.YMA Hall ah a hmanpui.
Khuallian chuan zirlai titha kalkhawm te a lawmpui thu sawiin , pawl 10 leh pawl 12 pass mai duh tawk loin a aia sang zir chhunzawm zel a, tum nei a lehkha zir a pawimaw thu a sawi a, tui zawng leh zir tum chu in anglo mahse mumal taka zirna kawng zawh a pawimawh thu a sawia. Zirlai tan chuan insumtheihna leh mahni inthunun a pawimawh thu sawiin ruihhlo leh mipat hmeichhiatna lakah te insum a, tum ruhna leh taimakna nena lehkha zir chhunzawm a hlawhtling ngei turin kalkhawm zirlai te chu a fuih a ni. Hetih rual hian tun tuma hlawhtling talo te pawh beidawng mai loin tan la sauh sauha bei nawn turin a chah a, tum ruhna nen chuan an la hlawhtlin ngei a rin thu a sawi bawk ani.
He hunah hian Bairabi atanga Class 10 leh Class 12 First Division a pass te chawimawi an ni.
