Rules of the Road Regulation, 1989 hnuaiah Double Overtaking leh Road Divider pel a mahni tlanna lane nilo a lirthei khalh hi Dan phalloh a ni a, chutih laiin mi thenkhat, a bikin two wheeler khalhtute double overtake leh road divider pel a tlan ching an awm thin a. Hei hian midang lirthei khalhtute a tibuai in mahni tan ngei pawh a himlo a, chhiatna lian zawk a thlen thei a ni. Hetiang a nih avang hian tun atang chuan double overtake thinte leh road divider pel a lirthei khalh thin te man chhuah leh Dan anga hremna chu traffic police duty te chuan khauh leh zual zawkin an kalpui dawn tih SP Traffic chuan mipuite a hriattir.