Art & Culture Minister Pu PC. Zoramsangliana chuan vawiin khan a bial chhung Kolasib – a tun hnaia VC inthlanna neiha tling thar zawng zawngte hnenah lawmpuina thuziak Certificate a hlan.

Kolasib biala VC seat 66 zinga 47 –a hnehna changtu Indian National Congress candidate te leh Party danga hnehna chang zawng zawngte Minister hian lawmpuina a pe vek a. He hunah hian MPCC Aizawl Hqrs atanga lawmpuina pawh hlan tel nghal a ni.

Pu P.C. Zoramsanga chuan VC tling thar te chu hun engemawti chhung ram rawng ala bawlpui turte an nih avangin rilru inhmu taka thawh ho a duh thu a sawi a. VC te chu mi rethei leh khawtlang mipui ten Pa-a an neih reng turte an ni, a ti a. Hlemhletna laka fihlim tur leh huaisen taka Pathian hnaih chunga thawk thin turin a chah a.,khawtlang tana rawng an bawlnaah an kut tichak tura a theih apiang tih a inhuam thu a sawi a ni.