Vawiin khan Govt. Kolasib College Week kharna hun Diakkawn YMA Hall Kolasib ah neih a ni a. Pu PC Zoram Sangliana chu khuallian niin he hun hi a hmanpui.

Pu PC Zoram Sangliana chuan Zirlai kalkawmte chu an zirlai ngaihthah lo turin leh taima taka  tura fuihin Mi puitling leh hlawhtling ni tur chuan lehkha zir huna  min tibuai thei  thil tamtak dah tha a zirna chu dah pawimawh turin a chah a. Kum thum vel kalta atang khan Mizoram pum huap ah Govt. Kolasib College in result tha a neih thu sawiin zirtirtute inpekna chu fakawm a ti a, Zirlaiten result tha an neih chhunzawm zel a nagi ani ati bawk.

Khuallian chuan thianghlimna kawnga hmasawn a ngaih thu sawiin, Kan thil chin thalo zuk leh hmuam kan bansan theih lote pawh  kan tum phawt chuan kan sim thei ani a ti a. College zirlai an nih angin midangte zirtir na kawnga kawngtha kawh hmuhtu ni turin a fuih a, hemi kawnga tan lak a ngaih thu a tarlang bawk.

He hun hi Zonunsanga, Vice President, Students Union in Welcome Speech nen a hawng a, Fabian Lalfakawma, General Secretary-in report a pe a. Principal aiawh leh President KTCA atangin thusawi ngaihthlak a ni a. Khuallian chuan Tui in tur tih vawt na khawl (Water Cooler) chu Govt. Kolasib College tan a hlan nghal a. Lalnghinglova Hmar in lawmthu sawina in hun a khar a ni.