Vawiin khan March ni 1-a Lawngtlaia Legal Awareness Camp buatsaih tur chungchang chu Lawngtlai Bawrhsap Dr Arun T., IAS hovin DC Conference Hall-ah sawi ho a ni.

He hunah hian Lawngtlai District Legal Services Authority (DLSA) Secretary Pu BT Lala Sakachep MJS chuan camp buatsaih tur chungchang a sawi fiah a. He camp hi mipuite'n sawrkar hna thawh dan hrang hrang leh scheme te an hriat chian a, zawhna an neihte awlsam taka an hriat fiah theihna atana ruahman a ni a. District hrang hrangah buatsaih tur niin, Lawngtlaiah chuan March ni 1 hian neih a ni ang a. Aizawl lam atangin dan lam thiam mi lo kalin, anni huaihawtna leh kaihhruaina hnuaiah hian neih a ni ang.

He hunah hian department hrang hrangin stall an buatsaih dawn a. Hetah hian mipuite hamthatna tur leh hriat tur hrang hrangte chu a concern department hian an zirtirin, zawhnate pawh an chhang dawn a ni.

Attachment

• Loading attachment...