Kolasib bialtu MLA Pu PC Zoram Sangliana chuan vawiin khan Diakkawn Volleyball Court ah MLA Cup Volleyball Tournament a hawng.

Hawnna inkhawm ah hian khuallian chuan thu sawiin Kolasib District Volleyball Association hruaitute hmalakna a MLA Cup Volleyball Tournament buatsaih thei a ni chu lawmawm tiin Sawrkar pawh in thalaite hmakhua ngaituahin infiamna tur hmunhma hrang hrang District hrang hrangah a duang mek zel a ni a ti. Kolasib District chu HIV/AIDS ah India rama a darh chakna ber District a nih avangin nasa tan lak a ngai a ni tiin Infiamna chu thlaiten nunkawng dik an zawh theihna tura hmanraw pawimawh tak a ni a ti bawk. Infiammi te tan ruihtheih thil leh nun inthladah a inhmeh loh thu sawiin hriselna ngai pawimawh leh mahni invawng tak chunga nun kawng dik zawh turin kalkhawm te chu a chah a ni.

MLA Cup Volleyball Tournament ah Kolasib (ST) constituency atangin hmeichhia team 5 leh mipa team11 an tel a, Team tel zawng zawng te tan MLA Fund atangin VolleyBall Jersey pek vek an ni a. Mipa Champion Team in lawmman pawisa fai cheng 20,000/- Trophy leh Certificate an dawng anga, Runners Up in Cheng 12,000/-, Trophy leh Certificate, Hmeichhe Champion Team in lawmman pawisa fai cheng 13,000/- Trophy leh Certificate; Runners Up in Cheng 7000/-, Trophy leh Certificate an dawng anga, hemi bakah hian Mimal titha te tan lawman chi hrang hrang buatsaih bawk a ni.

Hemi bakah hian Kolasib Hmar Veng Basketball Court MLA Fund cheng nuai 5 senga chei that chu Pu PC Zoram Sanglaiana hian a hawng bawk a ni.

Attachment

  • Loading attachment...