Transport Minister Pu PC Zoram Sangliana’n vawiin khan UD & PA Hall, Kolasib-a Brig. Vankunga Shopping Centre –ah SJSRY hnuaia BPL mi 21, thiamthil chi hrang hranga training UD&PA DEptt. in a pekte hnenah eizawnna atana an hman tur puanthui khawl leh Mistiri bungrua te a pe a. BPL hruaitu leh self help group 33 hnenah a tula hman turin Stationary bungrua chi hrang hrang a sem bawk.

Transport Minister hian vawiin vek chawhnu khan Shopping Centre atang hian Kolasib Bial chhunga mi harsa rangva inchung chih tur neilo mi 70 te hnenah Rangva Bundle 4 theuh a hlan bawk a. Heng Rangva tehi Rural Housing scheme hnuai, Rural Deptt. kaltlanga pekte an ni.

Thu sawiin Pu Ramsanga chuan malsawmna tamtak mi harsate hnena alo luh theih nan leh rethei leh harsate tana intunnunna alo awm theih nana thawktu Sawrkar tawiawmtu leh a zarzotu an ni chu a lawmpui zia a sawi a. Heng thilthlawn pekte hi  a mamawhtu ngei, pawl pawl ti lova sawrkar Deptt. ten an endik thlap leh a neilo tak takte hnena pek a ni, a ti a. Hetiang ti thei tura kan kut in tichak hi nangni leh ram tan malsawmna a ni a, Mirethei dawmkang thei tura Pathianin min ruat hi ka lawm em em a ni, a ti.

Kan sawrkar chuan heng thil pathum Mi rethei chhan chhuah, Thalaite tana khawvel thar din leh Corruption um bo hi kan hlapui ber a ni a. Isua tawngkam ‘Heng mi te ber chunga in tih hi ka chunga ti in ni,’ tih hi kan thupui a ni bawk a ni, Minister chuan  a ti a. Kolasib chu mi rethei In sakna bul tanna pilot project a niin In 300 sak chu zawh tep a ni tawh a. Tun dinhmunah Nationalised Bank hrang hrang pawh Mizoramah an inhawng kim thawkhat tawh tehi uan thu nilo se, tlemlaia Central level-a Bank lama member-a kalo thut ve tawhna rah a ni ve a ni, Pu Ramsanga chuan a ti bawk a ni.

Pu Andrew Lalhruaia, DUDO, UD&PA Kolasib chuan SJSRY tanpuina sem inkhawm hi a kaihruai a. SJSRY chu khawpuia mi hnuaihnung zawkte dawmkanna scheme pawimawh tak a ni, a ti.

Vawiina SJSRY hnuaia BPL tanpuia pek takte hi Carpentry 9 hnenah Mistiri bungrua set, Tailoring mi 12 hnenah Puanthui khawl leh BPL + Self help Group 33 hnenah bungraw chi hrang hrangte a ni a. SJSRY in a tum bulpui ber chu khawpui chhunga miretheite tana intunna leh inhlawhna ngaihtuah sak a ni a. Nikum khan Kolasib UD&PA chuan mi 71 hnenah loan an pe chhuak a ni.

Tukin zingkar khan Pu Ramsanga chuan Kolasib khaw chhunga Ruah leh thliin a tih chhiat hmun hrang hrangte tlawh kualin tanpuina a pe kual a. Diakkawn thlanmual min chu YMA te hnenah Silpauline 5 a pe a. Project Veng, Saidan leh Tuitha veng VC te chu hnatlang senso atan Rs 1000/ theuh a pe  a ni.