Vawiin chawhma dar 10:00 khan Hnahthial Block MHIP buatsaih an huam chhunga Branch hrang hrang 37te inelna tur Pangpar Lam Intihsiak chu Pu Pc. Zoram Sangliana, Minister Art & Culture chuan khuallian niin Bazar Building-ah a hawng.

Thu sawiin Pu Pc Zoram Sangliana chuan kan rama thil chi hrang hrang, a tha zawng leh a chhe zawng a thil thleng te hi nangni Mizo nute chhulchhuak a ni a, hei vang hian vawiin hun hi ka ngai pawimawh em em a, vawiin Assembly Budget Session-ah ka hna chanpual zawhna te pawh kan Chief Minister zahawm takin min chhan sak ringawt a ni, a ti a. Minister chuan tuna nu MHIP member kalkhawmte chu "In inchung in rawn chhuahsan khan in chhungkua in pasal fanaute an dam em? ti a zawt in, tisa leh thlarau-ah kan chhungkua hi kan dam a ngai a, tun-a kan nihna Mizo nu, Mizo nula kan nih theihna te hi Pathian vang a ni a, kan zahpui tur a ni lo tiin vawiin-a Pangpar Lam Intihsiak MHIP ten an buatsaih thei chu lawmawm a tih thu leh Mizo culture chawinunna kawnga min hruaitu ni thei se a duh thu a sawi bawk.

He Pangpar Lam intihsiaknaah hian Hnahthial Block MHIP huam chhunga Branch hrang hrang 37 te an inel a ni.