Mizo Zirlai Pawl Kolasib District Headquarters chuan nimin (1.6.2018) khan Parish Hall, Kolasib ah HSLC leh HSSLC result chhuak a Kolasib a zirlai tithate an chawimawi a. Pu PC Zoram Sangliana, Kolasib Bialtu MLA chuan khuallian niin a hmanpui.

Lalmawizuala, Vice President MZP District Headquarters Kolasib kaihhruaiah hian Pu PC Zoram Sangliana chuan MZP chuan Mizoram tan hma nasa takina  lo lak thin tawh thu sawiin Ram leh Sakhua tana him lo nia a hriat ah chuan hma nasa takin an lo la tawh thin a. Tuna kan ramin hmasawnna a neih tam tak te pawh hi MZP ten an lo nawr chhuah a ni a ti.

Pu PC Zoram Sangliana chuan Zirlaite chu tum mumal tak nei a lehkha zir tura chahin tum mumal tak neia zir hian kan hmabak a hlawhtlinna turah thui takin kawngro a su a ni a ti a. Zirlai naupangte chu Mizo an ni a, khawiah pawh awmse Mizo an nihna a bo dawn loh thu sawiin Zirlai ni chung hian Mizo kan nihna hi i theihnghilh lovang u a ti bawk.

Pu Ramsanga chuan Politics chu Zirlai a nihlai atanga luh a tumna a nih thu sawiin Politics avang hian kan ram hi tun dinhmun hi thleng thei kan ni a. Politics avangin hmasawnna tam tak pawh hi hmu kan ni a ti bawk.

Khualzahawm Pu S. Lalrinawma, Ex Vice President MZP Gen Hqrs pawhin thu sawiin MZP hruaitu an nih ve laia Top 10 an lang an chawimawi te chu Tum mumal tak nei a zir a, lehkha an zir danah pawh Routine mumal tak siam an ni deuh zel tih a sawi a. Pu Zosangliana Rokhum President MZP Kolasib District Headquarters pawhin thu sawiin Zirlaite chu an mahni tan, An chhungkaw tan, an khua leh ram tan a zir an nih hre tura fuihin thiam theih ngawt a tawk lo a, a tawp thleng peih nih a ngai a ti a. Exam dawna tan vak aiin a hma atanga theih tawp chhuah thin zirlai te an hlawhtling duh tih a sawi a. Pu Vanlaltana Vice president MZP Gen hqrs pawhin Zirlaite kalkhawmte chu Chawimawina dawng ve thei tura fuihin tumruhna leh Pathian tihna nen a zir turin a fuih a. Pu C. Zomuanpuia, Adviser MZP Kolasib Dist chuan Zirlaite chu an zirlai nilo thil dangah chintawk hre tura chahin Zirlai an zawh hma chuan Social media khawih nasa lutuk lo tur leh Zan mut nachang hre lo leh zing thawh nachang hre lo nilo turin a chah a ni.

He hunah hian HSLC a Distinction a pass chin leh HSSLC a 1st Div chin  hnenah chawimawina hi an hlan a ni.