Vawiin khan Venglai Parish Hall ah Bilatu MLA, MIFCO Chairman ni bawk Pu PC Zoram Sangliana chuan  Kolasib District Sports meet kharna hun a hmanpui.

khuallian Pu PC Zoram Sangliana chuan Sorkarin Sport tui mi  thalaite  tan ruahmanna tam tak a seng thin hi a vanneih thlak a, Sport Association te tan a phur awmin tan nasa takin an la a ni, a ti. Zofa ten National mai bakah International thlengin hnuhma kan nei hi ropui a tih thu sawiin Kolasib District in infiammi chhuanawm tak tak te a nei thei chu Bialtu MLA nih ti nuamtu leh thil lawmawm tak anih thu a sawi bawk. Infiammi ni tur chuan insum theihna, tumruhna bakah ruihhlo laka fihlim a pawimawh thu sawiin he huna thalai chawimawia awm te chu midangte tana entawn tlak ni tura mahni nun vawng uluk turin a fuih bawk ani. Hemi bakah hian khawtlang hruaitute pawhin Zirlai leh infiammi te chu khawtlang thil tih na zawng zawnga phut lovin mahni inzir nana hun awl pek thiam a pawimawh thu khuallian chuan a sawi a thalaite khawvel ti eng tura Sawrkar ina hma a lakna te tichak turin mahni in thunun chunga hma lam pan zel turin kalkhawm thalaite chu a chah a ni.

He hunah hian District Sports meet neih chhunga Game Discipline hrang hranga titha te hnenah khuallian chuan lawmman a sem nghal a. Hemi bakah hian Pu PC Zoram Sangliana chuan Venglai a Sports Stadium tlawh bawkin hnathawh kalphung a enfiah a, hnathawktu te hnen atanga thu dawn danin tun dinhmunah hna hi 90% thawh zawh tawh niin khaw that dana zirin an thawh zawh thuai an beisei thu an sawi bawk. Bialtu MLA chuan kolasib thalaite tana infiamna hmunhma thatak peihfel tep tawh ani chu lawmawm a tih thu sawiin Chief Minister Pu Lal Thanhawla leh Sports' leh UD&PA Minister Pu Zodintluanga  chungah lawmthu a sawi bawk a,  Stadium chu peihfel anih veleh MLA Cup buatsaih  anih tur thu a tarlang bawk ani. Bialtu MLA hi Kolasib District Football Association hruaitute leh Project Veng VCP ten an tawiawm a ni.