Bal Swachhta Mission India ram puma neih chu Mizoram-ah pawh hman ve niin vawiin khan Anganwadi Centre-I Tlangnuam-ah Social Welfare Minister Pu P.C.Lalthanliana chuan hawnna hun a hmang.
Pu P.C.Lalthanliana chuan tum avanga fai mai chu a tawk lo a tih thu sawiin, fai chu Mizo te pianpui ze ngheta kan tuh a tul hle a ni a ti, Anganwadi atanga naupang kan in zirtir hian a hlawhtlinna bul tur a ni.Mizote hi changkanna kawnga kan tlan chak ngaihtuah in faina kawngah hma kan sawn mawh hle a ni. Fai ngainat leh thianghlim hi kan ngaihpawimawh chhawh zel a ngai a ni ti bawk.
Social Welfare Minister chuan, Bal Swachhta Mission in a tum ber chu India mipui ten faina chu kan pianpui ze ngheta kan chhawm theih nana naupangte atanga inzirtir tumna a ni a ti a. India ram state hrang hrang a he mission kalpui tur hian state tlemte chuah thlan a nih lai a Mizoram min thlang tel chu thil lawmawm tak a nih thu a sawi a, Mizoram-ah Anganwadi Centre 2244 lai awm thu sawiin, chung Anganwadi Centre ah chuan heng mission te hi hman tur a nih thu a sawi bawk.
Bal Swachhta Mission hawnna inkhawm tawi Anganwadi Centre-I Tlangnuam-a neih ah hian Pi.B.Thangseii, CDPO Tlangnuam ICDS Project chuan kaihruaiin, Social Welfare Department Director Pi Valaldini chuan thusawina hun a hmang bawk. SWD Director chuan Bal Swachhta Mission kalpui chhoh zel tur chuan rah tha tak a chhuah ngei a rin thu a sawi.
