Vawiin hian LADC Conference Hall ah Home Minister Pu R. Lalzirliana chuan Lai Autonomous District Council a thawk Officer te Meeting a neihpui a, hmasawnna tur thupawimawh hrang hrang a sawi pui.

Pu R. Lalzirliana chuan, Offier te chu tunge an nih inhrechiang turin a hrilh a. Lairam leh Laifate tungding turin dinhmun pawimawh bera dingte in ni a. Sawrkar chu a inthlaka, vawiin a mite an liama a thar an lo dingchhuaka, chung mite pawh chuan liam ni an nei leh thin, chuhtihlai zawng zawnga nghet taka rorelna lo kengding tute chu sawrkar hnathawkti hi in ni. Chuvang chuan he ram, he hnam chawikan nan hian dinhmun pawimawh tak in luah mek a ni, a ti. Minister te, Member of District Council te, Executive Member te an nih avanga an thusawi a kawi a ngila lo Aw liam mai thin lo tura fuihin, thil tha zawk leh dik zawk kan neih theih nan a tul a nih chuan ka pute chu kan ngaihdan kan hrilh ve thin tur a ni a, chutiang tih chingte chu Officer hman tlak tak an ni fo, a ti bawk.

Inkhawm kaihruaitu Pu V. Zirsanga, Chief Executive Member chuan Home Minister in LADC Officer te kawmna hun remchang a siamsak chu lawmawm a tih thu sawiin hetiang hun tha leh duhawm hi a thleng zen zen lova, min ngaihsakna leh duhsakna ah hian kan lawm hle a ni, a ti bawk.

He inkawm hona ah hian Parliamentary Secretary Pu H. Zothangliana pawhin thu a sawi a ni.