No.2220/2021-2022
Aizawl, the 15th September 2021 : Nimin khan Power Minister Pu R. Lalzirliana chuan a bial Tawi huamchhunga zirna in hrang hranga zirlai harsa 50 te hnenah online class an lak ve thei nan mobile phone a hlan.

Heng zirlai te hnena mobile handset hlanna programme tawite Saitual Joint VC House a neihah thusawiin Pu R. Lalzirliana chuan zirlai te chu mobile hi tangkai taka an zirna tha taka an chhunzawm theih nan hmang turin a chah a. Mihring dinhmun chu kan thahnemngaihna te, kan taimakna te avangin a inthlak thin a, dinhmun sang zawka kan chuangkai thei a, kei pawh Tualbung kuthnathawktu fapa niin harsa takin engkim ka sual chhuaka, nangni pawhin tha taka in zirlai te in zira, in taimak chuan mi hlawtling tak tak leh khawtlang tan mi chhenfakawm in ni thei tiin a fuih bawk a ni.

Nimina Saitual a programme hrang hrang a hman hnuin Minister hian Saitual DC Office sak mek chu a tlawh bawk a ni.

Attachment

  • Loading attachment...