Vawiin khan Pu R. Lalzirliana, Home Minister chuan Mizo High School Field-ah Zoram zirlaite tana SSA Academy Jersey a semchhuak. He huna thusawiin Pu R. Lalzirliana chuan tuna SSA hmalakna a naupang te te, primary school zirlaite atanga sports chi hrang hrang zirtir hian Mizote khawvel-ah nasa taka a phochhuah ngei beiseiawm a tih thu a sawi. Minister-te zin hmuak tura zirlaite school thulh tir thin chu tih tawp a duh thu sawiin Chief Minister leh Education Minister bak chu zirlaiten hmuak lo se, an zirna tih bahlah sak hi tih tawp a tul thu a sawi. He hunah hian ama enkawl Fire Services chungchang pawh sawiin tunlai khua a thal em avangin kangmei lakah mitin fimkhur ila, zirlaite pawhin tan lo la zel se a duh bakah Aizawl khawpuia fire services station awmna kil lutuk chu hmun thum - Aizawl North, Aizawl Central leh Aizawl South-ah Fire Station siam thuai a ni ang tih a sawi a. Function tawpah khuallian chuan school thlan bikte hnenah jersey chu a sem ta a ni.
Pu Robert Romawia, OSD, SSA in report tawi pein hetiang hi Mizorama Sports bungrua/hmanrua an sem dan a ni:
District Jersey Skipping rope Football Rubber ring
1. Aizawl 27808 640 1118 646
2. Champhai 924 22 38 27
3. Kolasib 8316 197 346 194
4. Lawngtlai 5544 132 230 135
5. Lunglei 16456 377 661 379
6. Mamit 6028 138 241 141
7. Saiha 2860 70 399 72
8. Serchhip 836 20 399 24
TOTAL 68772 1596 3432 1618
Pi Malsawmthangi, School Education Director-in a kaihruai inkhawmah hian Pu Zoliana Royte, Director, Sports & Youth Services chuan tuna SSA-in Sports Academy 219 a kalpui danah Sports department nen inthlunzawm tha zawka tih nise Mizoram tan a that zawk ngei a beisei thu a sawi.
Pu Sangnghilhlova, Project Director-in lawmthu sawiin hun tih tawp a ni.
District Jersey Skipping rope Football Rubber ring
1. Aizawl 27808 640 1118 646
2. Champhai 924 22 38 27
3. Kolasib 8316 197 346 194
4. Lawngtlai 5544 132 230 135
5. Lunglei 16456 377 661 379
6. Mamit 6028 138 241 141
7. Saiha 2860 70 399 72
8. Serchhip 836 20 399 24
TOTAL 68772 1596 3432 1618
Pi Malsawmthangi, School Education Director-in a kaihruai inkhawmah hian Pu Zoliana Royte, Director, Sports & Youth Services chuan tuna SSA-in Sports Academy 219 a kalpui danah Sports department nen inthlunzawm tha zawka tih nise Mizoram tan a that zawk ngei a beisei thu a sawi.
Pu Sangnghilhlova, Project Director-in lawmthu sawiin hun tih tawp a ni.
