World Environment Day hi kum 1972-a Sweden khawpui Stockholm-a United Nations General Assembly on Human Environment an neih tan ni leh United Nations Environment Programme (UNEP) lo pian tanni hriatreng nan kumtin June ni 5-ah hman thin a ni a. Khawvel hmun dangte rualin vawiin khan Mizoramah pawh he Ni puala inkhawm chu Agricultutre Conference Hall-ah hman a ni a, Vanapa Hall-ah Painting Exhibition buatsaih a ni bawk. Vawiina World Environment Day lawmna inkhawmah Environment & Forest Minister Pu H.Rohluna chu Khuallian niin E&F PCCF Pu S.S.Garbyal chuan inkhawm hi a kaihruai a ni.
E&F Minister Pu H.Rohluna chuan khawvelin environment pawimawhzia a hria a mahse tuna mihringte khawsak dan en chuan khawvel hian kan humhim zo lovang tih a hlauhawm a ni, a ti. Hmasawnna kan um rual hian khawvela cheng mihring ten environment tha leh thianghlim neih pawimawhzia kan theihnghilh tur a ni lova; boruak, sik leh sa inthlak danglam “climate change” leh boruak lum chak lutuk “global warming” chungchang hi sorkar mawhphurhna chauh ni lovin mitinin theihtawpa a venna hna thawh a tul tawk tak zet a ni, a ti bawk. Mizoramah pawh hmuh theih khawpin sik leh sa a inthlak nasa tawh a, kum dang aiin khua a thal a, ram kang pawh a tam thu te sawiin Minister chuan sorkar bakah tlawmngai pawl te, sikul leh kohhran-ah te pawh environment humhim tulzia leh hemi lama mitin te hmalak dan tur inzirtir a hun tawh tak zet a ni, a ti. Hmalam hun sawithei lo hial khawpa kan khawvel kan ti chereu tawh avangin tuna atanga environment ven hna kan thawh loh chuan a tuartu tur chu keini leh kan tu leh fate an ni dawn tih hre rengin boruak tha leh hrisel, mihring leh nungchate, thilsiam zawng zawngte tan chen tlaka siam turin i tangrual zel ang u tiin kalkhawm leh mipui zawng zawngte a chah a ni.
He Ni hi khawvel puma environment humhim pawimawhzia inhrilh thar lehna atana United Nations hmanraw pawimawh berte zing ami a ni bakah he World Environment Day hman a nihna chhan hi khawvel sorkar hruaitu dang remruatna ni mai lovin kan India ram Prime Minister ngaihsan leh chhuan em em Pi Indira Gandhi remruat chhuah kha a ni nghe nghe a, hei vang tak pawh hian India khua leh tui te chuan he Ni hi hman kan mamawh reng bakah uar zawka kan hman te pawh thil tihawm tak a nih tih Forest Minister hian a tarlang bawk.
Mizoram PCCF Pu S.S.Garbyal pawhin thu sawiin Mizorama tui harsatna kan mek te, khaw thal leh ram kang te chu environment ngaihtuah miah lova kan ramngaw leh leilung kan ti chereu thin avanga thleng a ni, a ti a. Kum 2003 khan Geographical Survey of India chuan Mizoram area zaa 88% chu ramngaw “forest cover” tha tak nei nihin a sawi a, mahse tunah chuan mautam bakah kum tin lo hal leh kumina ramkang nasat avangin forest cover chu a zim tawh a rin thu a sawi. Mithiamten darkar khat zelah thilnung chi (species) khat zel a rem (extinct) zel tawh a ni tia an sawi chuan mihringten khawvel kan tichereu nasat tawhzia tilang chiangtu a ni, a ti. Mitinina environment humhalh tura kan tih ve theih - entir nan, kawlphetha renchem te, motor hman tlem te, bawlhhlawh kan paih dan angah te kan fimkhur leh zual a tul a ni, a ti bawk.
World Environment Day hi kumtinin thupui pawimawh tak neia hman thin a ni a. Kumina United Nations Environment Programme (UNEP) in thupuia a thlan chu ‘Your Planet Needs You! UNite to Combat Climate Change” tih a ni. ‘Kan chenna khawvel lo chhe zel veng turin mitin kan pawimawh a, khawvel boruak lo lum zel veng turin i tangrual ang u’ tihna a ni thei awm e. Mihringten hmasawnna kawng kan zawh tak tak hnu hian min hualveltu boruak hi a lum chho telh telhin, harsatna hrang hrang a thlen nasa hle a. Tunlaia khawvelin harsatna khirhkhan tak, ei leh bar zawnna baka sum leh pai tlakchhiatna rapthlak tak a tawn mek te hi kan chin dan leh tih dan hlui thlak a, hmasawnna kawng thar tha zawk leh khawvel boruak chhe zel tipunlun lo zawnga hma kan lak a ngaihzia tarlangtu a ni a. Kumina thupui “Your Planet Needs You” han tih pawh hian mitin kan pawimawhzia min hriattir a ni.
Kuminah hian a lawmna pui ber chu Mexico-ah hman a ni a, Mexico ram hi Kyoto Protocol inremna hnuaia boruak chhia tichhuak tlem (carbon neutral) tura intiam ram ni lo mahsela boruak chhia tihtlem kawnga hma hruaitu tlemte zing ami a nih vang a ni. Mizoramah pawh vawiin hian mipui nawlpuiin environment humhalh a pawimawhzia kan hriat thar leh nan Vanapa Hall Gallery-ah Painting exhibition Mizoram Academy of Fine Arts (MAFA) te nen tangruala neih a ni a. He exhibition hi E&F Minister Pu H. Rohluna’n Agriculture Conference Hall-ah a hawng a, June ni 5 – 10 thleng mipuite tana tlawh theihin a awm a ni.
He Ni pual vek hian High School leh Higher Secondary School zirlaite tan On-the-Spot Essay Writing Competition buatsaih a ni a, thupui chu – ‘Ka nu leh pa te hian kan chenna leh a chhehvel (environment) humhalha siam\ha turin enge ti se ka duh’ (‘What I want my parents to do to protect and improve our environment’) tih a ni a. Zirlai 218 zetin essay hi an ziak a, lawmman latute chu :
1st Prize – Samuel Renthlei, Class XII (Arts), Republic HSS
2nd Prize - K. Lalhmahruaia, Class XI (Arts), JL HSS
3rd Prize - Jyoti, Class XII (Sc.), St. Paul’s HSS te an ni a. Heng bakah zirlai 10 Consolation Prize hmute chu Khuallian-in lawmman a hlan nghal a ni.
Zirlaiten an nu leh paten kan chenna leh a chhehvel (environment) humhalh a, siamtha turin engnge ti se an duh tih an ziah atanga an thuziak langsar zual thenkhatte chu:
1. Kan nu leh pate hian thing leh mau leh ramsa humhalh hi uar zawk se. An fate pawh zirtirna min pe tha sela.
2. Nungchate hian mihring min tihhlim theihzia hi kan nu leh pate hian min zirtir fo rawh se.
3. Bawlhhlawh paih leh tihral kawngah kan nu leh pate hian zirtirna tha tak min pe se.
4. Ramngaw sawi tur alawi kan neih tawh loh avangin kan nu leh pate hian tul lova ram tihkan pawizia hi an tu leh fate zirtir uar rawh se.
5. Kan nu leh pate hian environment an humhalh duh a ni tih an nungchangah lantir fo sela, tichuan an tu leh fate pawh zirtir kan nuam ang.
6. An tu leh fate hnena environment humhalh a tangkaina hrilh ngai lo nu leh pate hi inbihchiang sela a tha, chutilochuan an tu leh fate mi ang lovah min chhuah thin a ni.
7. Kan nu leh pate hian tunhma environment leh tunhnu environment awmdan hi chiang fek fawkin min hrilh uar ta sela, tichuan environment humhalhna kawnga ke kan pen dan tur pawh kan chiang leh zual ngei ang.
8. Kan nu leh pate theuh hian leilung leh a chhunga thil awmte tihchhiat hi keimahni nunna hrui chhahna a ni tih min zirtir theuh sela kan sawtpui viau ang.
9. Kan nu leh pate hian environment humhalh hi sawi ringawt lovin a taka thawkin hma la sela, tichuan an faten an hnung kan zui ngei ang.
10.Kan environment humhalh a tulna min hrilh hriat hi kan nu leh pate tih tur (duty) dik tak a ni tih hi nu leh pate hian hre theuh rawh se.
He Ni hi khawvel puma environment humhim pawimawhzia inhrilh thar lehna atana United Nations hmanraw pawimawh berte zing ami a ni bakah he World Environment Day hman a nihna chhan hi khawvel sorkar hruaitu dang remruatna ni mai lovin kan India ram Prime Minister ngaihsan leh chhuan em em Pi Indira Gandhi remruat chhuah kha a ni nghe nghe a, hei vang tak pawh hian India khua leh tui te chuan he Ni hi hman kan mamawh reng bakah uar zawka kan hman te pawh thil tihawm tak a nih tih Forest Minister hian a tarlang bawk.
Mizoram PCCF Pu S.S.Garbyal pawhin thu sawiin Mizorama tui harsatna kan mek te, khaw thal leh ram kang te chu environment ngaihtuah miah lova kan ramngaw leh leilung kan ti chereu thin avanga thleng a ni, a ti a. Kum 2003 khan Geographical Survey of India chuan Mizoram area zaa 88% chu ramngaw “forest cover” tha tak nei nihin a sawi a, mahse tunah chuan mautam bakah kum tin lo hal leh kumina ramkang nasat avangin forest cover chu a zim tawh a rin thu a sawi. Mithiamten darkar khat zelah thilnung chi (species) khat zel a rem (extinct) zel tawh a ni tia an sawi chuan mihringten khawvel kan tichereu nasat tawhzia tilang chiangtu a ni, a ti. Mitinina environment humhalh tura kan tih ve theih - entir nan, kawlphetha renchem te, motor hman tlem te, bawlhhlawh kan paih dan angah te kan fimkhur leh zual a tul a ni, a ti bawk.
World Environment Day hi kumtinin thupui pawimawh tak neia hman thin a ni a. Kumina United Nations Environment Programme (UNEP) in thupuia a thlan chu ‘Your Planet Needs You! UNite to Combat Climate Change” tih a ni. ‘Kan chenna khawvel lo chhe zel veng turin mitin kan pawimawh a, khawvel boruak lo lum zel veng turin i tangrual ang u’ tihna a ni thei awm e. Mihringten hmasawnna kawng kan zawh tak tak hnu hian min hualveltu boruak hi a lum chho telh telhin, harsatna hrang hrang a thlen nasa hle a. Tunlaia khawvelin harsatna khirhkhan tak, ei leh bar zawnna baka sum leh pai tlakchhiatna rapthlak tak a tawn mek te hi kan chin dan leh tih dan hlui thlak a, hmasawnna kawng thar tha zawk leh khawvel boruak chhe zel tipunlun lo zawnga hma kan lak a ngaihzia tarlangtu a ni a. Kumina thupui “Your Planet Needs You” han tih pawh hian mitin kan pawimawhzia min hriattir a ni.
Kuminah hian a lawmna pui ber chu Mexico-ah hman a ni a, Mexico ram hi Kyoto Protocol inremna hnuaia boruak chhia tichhuak tlem (carbon neutral) tura intiam ram ni lo mahsela boruak chhia tihtlem kawnga hma hruaitu tlemte zing ami a nih vang a ni. Mizoramah pawh vawiin hian mipui nawlpuiin environment humhalh a pawimawhzia kan hriat thar leh nan Vanapa Hall Gallery-ah Painting exhibition Mizoram Academy of Fine Arts (MAFA) te nen tangruala neih a ni a. He exhibition hi E&F Minister Pu H. Rohluna’n Agriculture Conference Hall-ah a hawng a, June ni 5 – 10 thleng mipuite tana tlawh theihin a awm a ni.
He Ni pual vek hian High School leh Higher Secondary School zirlaite tan On-the-Spot Essay Writing Competition buatsaih a ni a, thupui chu – ‘Ka nu leh pa te hian kan chenna leh a chhehvel (environment) humhalha siam\ha turin enge ti se ka duh’ (‘What I want my parents to do to protect and improve our environment’) tih a ni a. Zirlai 218 zetin essay hi an ziak a, lawmman latute chu :
1st Prize – Samuel Renthlei, Class XII (Arts), Republic HSS
2nd Prize - K. Lalhmahruaia, Class XI (Arts), JL HSS
3rd Prize - Jyoti, Class XII (Sc.), St. Paul’s HSS te an ni a. Heng bakah zirlai 10 Consolation Prize hmute chu Khuallian-in lawmman a hlan nghal a ni.
Zirlaiten an nu leh paten kan chenna leh a chhehvel (environment) humhalh a, siamtha turin engnge ti se an duh tih an ziah atanga an thuziak langsar zual thenkhatte chu:
1. Kan nu leh pate hian thing leh mau leh ramsa humhalh hi uar zawk se. An fate pawh zirtirna min pe tha sela.
2. Nungchate hian mihring min tihhlim theihzia hi kan nu leh pate hian min zirtir fo rawh se.
3. Bawlhhlawh paih leh tihral kawngah kan nu leh pate hian zirtirna tha tak min pe se.
4. Ramngaw sawi tur alawi kan neih tawh loh avangin kan nu leh pate hian tul lova ram tihkan pawizia hi an tu leh fate zirtir uar rawh se.
5. Kan nu leh pate hian environment an humhalh duh a ni tih an nungchangah lantir fo sela, tichuan an tu leh fate pawh zirtir kan nuam ang.
6. An tu leh fate hnena environment humhalh a tangkaina hrilh ngai lo nu leh pate hi inbihchiang sela a tha, chutilochuan an tu leh fate mi ang lovah min chhuah thin a ni.
7. Kan nu leh pate hian tunhma environment leh tunhnu environment awmdan hi chiang fek fawkin min hrilh uar ta sela, tichuan environment humhalhna kawnga ke kan pen dan tur pawh kan chiang leh zual ngei ang.
8. Kan nu leh pate theuh hian leilung leh a chhunga thil awmte tihchhiat hi keimahni nunna hrui chhahna a ni tih min zirtir theuh sela kan sawtpui viau ang.
9. Kan nu leh pate hian environment humhalh hi sawi ringawt lovin a taka thawkin hma la sela, tichuan an faten an hnung kan zui ngei ang.
10.Kan environment humhalh a tulna min hrilh hriat hi kan nu leh pate tih tur (duty) dik tak a ni tih hi nu leh pate hian hre theuh rawh se.
Attachment
- Loading attachment...
