Vawiin chawhma dar 9:30 khan Pu R. Romawia, Higher & Technical Minster in Government J. Buana College a tlawh. Dr. J. Zorema, Principal J. Buana College kaihhruaina hnuai ah inkhawmna neiin Pu R. Romawia chuan thusawina neiin kan ram hi a pung lova mihring te erawh kan lo pung zel a, chuvangin college building te hi vertical extension, lift nei thei tura ruahmanna neih a tha a ti. Ram kan neih theihloh avangin Hostel, Library sakna turte central sawrkar atangin kan dawng thei lo te hi a pawi hle a ni a ti. 10+2 result te a that rual rual in college admission ah indaihloh na a thlen thin a, Sawrkar in naupang te zirna tih bahlahhi tha a tilova, a siam rem dan a ngaihtuah thin a ni a ti. College hrang hrang ah Principal nghet nei thei turin sawrkar in a ngaihtuah mek a. Associate Professor te pawh PHD degree nei a zirtirtu tha niin zirlai te hnenah zirtirna tha pe thei tura inbuatsaih theuh turin a chah bawk. Zirlai te pawh College kal chin tawh te chu mipuitling ah min ngai tawh a thuawihna leh thawhrimna nen zir turin a chah a ni. Thiamna hi damreina anih angin mahni zirna ah inpumpek theuh turin a chah a, College in a harsatna hrang hrang an thlen te chu ngaihtuah sak a tumthu a sawi bawk.

J. Buana College hi C. Grade niin Teaching staff 25 leh zirlai 452 an nei mek a ni. Minister hi Higher & Technical Education hotuten an tawiawm a ni.