Vawin khan Lunglei ah pawh 1st Mizoram Anti Tobacco Day, OPD Complex, Civil Hospital Lunglei ah hman ani. Anti Tobacco Day hmanna inkhawm hi Dr S.R. Ngurchamliana Member Secretary Anti Tobacco Squard Lunglei in a kaihruai a, he hun a khuallian Pu Vanrengpuia SDO (Sadar) chuan thusawiin Lunglei District chu Mizoram District zing a zukleh hmuam do na kawng a hmasawn ber a thlan ani chu lawmawm a tih thusawiin hmasawn na tur tam tak la awm ah kal khawm te chu thawhpui ah a sawm a ni.

Pu Vanrengpuia chuan mitin te chu mahni awm na hmun theuh ah zuk leh hmuam do tur a sorkar ang a hmalakna thawhpui turin a ngen a, zirlai te pawh zirna kawng a fit tak a awm tur chuan ruihhlo leh zuk leh hmuam a kan fihlim a ngai a ni a ti. Khawtlang leh chhungkua te zuk leh hmuam that loh zia sawi uar ila Lunglei District hi Tobacco Free Distric ah siam turin i in buatsaih ang u a ti bawk. He hun ah hian Pi Hmingthansangi Psychologist National Tobacco Control Society chuan hun hmangin COTPA dan sawi fiah na leh an hmalak na te tarlang in Lunglei khawpui chhung ah Kum 2009 a tang a tan in mi 3903 ten zuk leh hmuam nghei duh in Clinic an pan tih a sawi a, heng zing a za a sawm ten an sim thu a sawi ani. School 221 bak ah Kohhran leh pawl dang 51 te hnen ah awareness campaign neiin Squard Drive vawi 63 an neih ah dan bawhchhia 97 an man thu a tarlang bawk. He hun ah hian Pi Chawngthanpari Principal HATIM pawhin zuk leh hmuam thatlohna kal khawm te hi a zirtir bawk ani.

Attachment

  • Loading attachment...