Pu R. Romawia Speaker, Mizoram chuan vawiin Dt 3rd October 2012 hian DC’s Conference Hall, Mamitah Mamit-a Department hrang hrang hotute a kawm. He inkawmhona hun Pu V. Lalremthanga, District Bawrhsap kaihhruaiah hian Pu R. Romawia Speaker chuan MUP Tuidam-in upate Ni hmanpui tura an sawm anga kal a nih rualin khawthlang lama sawrkar hmalaknate a hmunah hmuh a duh vanga lo kal a nih thusawiin officiala te nena inkawmhona hun tha tak an neih avangin lawmthu a sawi a, Sawrkar hnathawkte hi a ngheta ram enkawltute an nih avangin hmangaih taka hnathawk turin Department hotute chu a chah a ni, helai hmuna sawrkar hnathawkte pawhin hremna anga ngai lova chona-ah ngai zawk turin a chah bawk. Sawrkar hnathawk te chu Mamit District hnufualnate leh harsatna hrerenga nasa leh zuala tan la turin officials te chu a sawm bawk a ni.

Speaker hian Kawrtethawveng-a YMA General Conference 23-25 Oct 2012 atanga tan tur inbuatsaihna te a tlawh bakah Bairabi bul Tlawnglei dawh mekte a hmunah enin he lei dawh chak lo lutuk hian Mamit District mipuite tan harsatna a thlen thusawiin chak zawka hmalak anih theih nan Chief Minister sawipui a tum thu a sawilang bawk a ni.

Pu V. Lalremthanga, District Bawrhsap pawhin Speaker in sawrkar hnathawkte kawmna hun tha tak a neihpuina-ah lawmthu Speaker a hrilh a ni.

He inkawmhona hunah hian Mamit-a Head of Offices te an tel kim hle a ni.