Nimin ni 6.10.2011 (Ningani) Chawhma dar 11: 00 khan Assembly Speaker Pu R.Romawia chuan a bial chhunga mi MHIP Leitan Branch Building thar a hawng.

Hawnna thu sawiin Pu Romawia chuan Mizo hmeichhiaten hma an sawn nasatzia leh khawtlang tana an tangkaizia a sawi a. Women Commission chungchang pawh sawi langin Speaker chuan, “Women Commission chuan mithenkhat Motor changkang tak nena an hawi milenna tur ni lovin, hmeichhe chhawmdawl ngai tak tak te dawm kan nan a tangkai ang tih rilru pu a din a ni” a ti.

MHIP Leitan Building hi Leitan YMA Hall hnuai hmunawl remchang laiah Cheng nuai khat leh sing nga (Rs. 1,50,000) senga sak a ni a. Hemi atan hian veng chhungah leh mi inpe te hnenah vehbur khawn a ni a. Speaker pawh hian tanpuina tangkafai a pe tawh nghe nghe a ni. Hei bakah hian MHIP Leitan Branch President Pi Thanchungnungin peih fel hma apawimawhzia leh atulna hre rengin a mimal sum tha hnem tak a hmantir bawk a ni.

He Building a hmanhmawhthlakna em em chu Hindustan Petroleum atangin puanthui khawl sawmthum pakhat (31) an dawn chu khaw chhunga thalai, abikin kan hmeichhia eizawnna mumal nei lo ten awlsam zawk a kut themthiamna an neih theihna tur a nih avangin he building sak hna hi kalpui a lo ni ta a ni.

He Building sak nana tha leh zung, sum leh pai sengtu zawng zawng te hnenah MHIP Leitan Branch chuan lawmthu an sawi a ni.

Attachment

  • Loading attachment...