Vawiin khan D.C’s Conference Hall, Mamit-ah Election Commission of India in Mamit District a Electoral Roll Observer atana a ruat, Pu Zothankhuma IAS, hovin Political Party hrang hrang hruaitute leh Tlawmngai Pawl hruaituten meeting an nei.

He Meeting-ah hian Pu Zothankhuma, IAS Observer chuan thusawiin Electoral Roll dik leh felfai neih theihna turin District chhunga Electoral Roll buaipuituten harsatna an nei em tih te leh an harsatna tawhte enfelpui a tul thute, Form hrang hrang claim tute an filled-up dik em tihte, tlawmngai Pawl hrang hrang hruaitute leh Political Party hruaitute’n an enfelpui a tul thu te a tarlang a, Booth Level Agent (BLA) te hi Political Party hrang hrang ten Polling Booth tinah an ruat (appoint) tur anih laiin tun din hmunah INC-in 47 leh MNF-in 59 chauh an la appoint a ni tih te he meeting-ah hian tarlan a niin Observer chuan BLA la appoint lohna khua Polling Station zawng zawngah Booth Level Agent te ruat vek turin Political Party hrang hrang hruaitute a ngen a ni.

Mamit District-ah hian tun dinhmunah Hachhek Constituency ah Polling Booth 26 a awm a. Dampa Constituency ah Polling Booth 28 a awm a, ti chuan Mamit Constituency ah Polling Booth 32 a awm a, a vaiin Mamit District ah hian Polling Booth 86 a awm mek a ni.

He Meeting-ah hian Political Party hrang hrang hruaitute leh Tlawmngai Pawl hruaitute an tel a ni

Attachment

  • Loading attachment...