1686/2022-2023

Aizawl the 23th August, 2022: Tuipuirala a hmasa ber ni turin Khawbung Badminton Court-a Badminton Court Mat phah a ni dawn a. Badminton Court Mat hi vawiin tlai khan East Tuipui bialtu MLA Pu Ramthanmawia, Vice Chairman, Bamboo Link Road Board chuan a chenna Laipuitlang, Aizawl atangin a vailiam. Khawbung Badminton Club-te enkawl Khawbung Badminton Court-a phah tur Mat senso Rs. 2,40,000 hi bialtu MLA, Pu Ramthanmawia chuan a tum sak a ni.

Pu Ramthanmawia chuan Tuipuirala a hmasa ber ni tura Khawbung Badminton Court-a Badminton Court Mat phah a ni tur chu lawmawm a tih thu sawiin, tangkai taka Khawbung infiammi ten an hman ngei a beisei thu a sawi a. Tunlai hian Mizoram hmun hrang hrangah zu leh ruihlho nasa takin a hluar a, mipuite kan tanruala nasa taka kan do tlan a hun tawh a, zu leh ruihhlo dona tha tak chu infiamna hi a ni, a ti a. Badminton Court Mat phah thar tur chuan zu leh ruihhlo dona kawngah nasa taka awmzia a neih a beisei thu sawiin, infiamna huanga hmasawnna thar chuan infiammi tha tak tak Tuipuiral leh Mizoram ti hmingthatu a chher chhuah ngei theih nan duhsakna a hlan a ni.

Badminton Court Mat vailiamna hun East Tuipui bialtu MLA Pu Ramthanmawia chenna Laipuitlang Aizawl-a neihah hian Khawbung Badminton Club hruaitute bakah Khawbung Welfare Aizawl hruaitute an tel a ni.

Khawbung Badminton Club leh Khawbung Welfare hruaitute chuan Tuipuirala a hmasa ber ni tura Khawbung Badminton Court-a phullem phah a ni dawn ta chu lawmawm an tih thu an sawi a. Bial hmasawnna leh infiamna ruhrel siam kawnga bialtu MLA hmalakna fakawm an tih thu an tarlangin a ni.

Badminton Court Mat hi zanin hian Khawbung thlenpui a ni ang a, ningani hian phah a ni ang.