1687/2022-2023
Kolasib the 23th August, 2022: Executive Engineer, PWD, Kawrthah Division atanga lehkha kan hmuh angin Bairabi Police Checkgate atanga PSC Bridge kawng chu siamthat hna thawh mek a ni a. Dt.24th August 2022 atanga 6th September 2022 chhung hian siamthat hnathawh chunzawm anih dawn avangin Light Motor Vehicle (LMV) aia lian motor dang eng chi mah kal phal a ni lo ang.

He thupek zawm lo chu 177 MV Act hmanga hrem an ni ang. He thupek hian tul bik thila Police, Fire Dept., Ambulance, Magistrate-te chet velna leh SP, Kolasib in phalna a pekte a huam lovang.

He thuchhuah chungchanga harsatna tawk emaw report neite chuan OC Bairabi Police Station (Ph. No. 9862384738) ah te biak theih reng a ni.